Մամուլի տեսություն 29.11.2023
The Washington Post թերթը գրել է. Գազայի պատերազմի շուրջ տարաձայնությունները աննախադեպ կերպով անհանգստացրել են Ջո Բայդենի թիմին, և ամերիկացի պաշտոնյաները հույս ունեն, որ այս հակամարտությունը Բայդենի դեմ գործոն չի դառնա հաջորդ տարվա նախագահական ընտրություններում։
Քեյհան
Գազայի պատերազմը սրել է տարաձայնությունները Սպիտակ տանը
The Washington Post թերթը գրում է Սպիտակ տան պաշտոնյաների համար Գազայի պատերազմի մարտահրավերի մասին. այս պատերազմն աննախադեպ կերպով անհանգստացրել է Ջո Բայդենի թիմին, և ամերիկացի պաշտոնյաները հույս ունեն, որ այս հակամարտությունը չի շարունակվի մինչև հաջորդ տարվա ԱՄՆ-ի նախագահական ընտրությունները։ Գազայի պատերազմը Բայդենի վարչակազմի համար դարձել է արտաքին քաղաքականության ամենամեծ ճգնաժամը։
Իր հոդվածում Washington Post-ը հայտնել է Սպիտակ տանը տարաձայնությունների սրման մասին՝ գրելով, որ Նոյեմբերի սկզբին, երբ Գազայի պատերազմը թևակոխեց վեցերորդ շաբաթ, Սպիտակ տան մոտ 20 հոգուց բաղկացած մի խումբ աշխատակիցներ խնդրեցին հանդիպել Բայդենի գլխավոր խորհրդականների հետ։ Նրանք ցանկանում էին տալ երեք հիմնական հարց. ո՞րն է վարչակազմի ռազմավարությունը՝ սահմանափակելու քաղաքացիական զոհերը Գազայում, ի՞նչ ուղերձ է պատրաստվում հղել վարչակազմը հակամարտության վերաբերյալ, և ո՞րն է Սպիտակ տան հետպատերազմյան տեսլականը տարածաշրջանի համար:
Վաթան Էմրուզ
Սու-35-ը՝ Իրանի ճանապարհին
Հայտարարվել է Ռուսաստանից Mil-28 հարվածային ուղղաթիռների և կործանիչ գնման պայմանագիրը ավարտին հասցնելու վերաբերյալ։
Վերջապես, ամիսներ տեւած ենթադրություններից հետո, Իրանի պաշտպանության նախարարությունը հայտարարեց Ռուսաստանից չորրորդ սերնդի «Սու-35» կործանիչ գնման պայմանագիրը ավարտին հասցնելու մասին:
Նախօրեին Իրանի Իսլամական Հանրապետության Պաշտպանության և զինված ուժերի աջակցության նախարար տեղակալ բրիգադի գեներալ Սեյեդ Մեհդի Ֆարհին հարցազրույցում հայտարարել է Mil-28 հարվածային ուղղաթիռի, Su-35 կործանիչի և Yak-130 ուսումնական ինքնաթիռի մուտքը՝ «Զինված ուժերի մարտական կազմակերպություն» հաստատվելու մասին՝ ասելով, որ օդային հատվածում արդեն որոշված է Յակ-130 ինքնաթիռի, Սու-35 կործանիչի և Միլ-28 ուղղաթիռի ժամանումը, և գործողությունը ընթացքի մեջ է։
Էթելաաթ
Հակաիսրայելական հրեական շարժման առաջնորդ. Նեթանյահուն անհավատ է և պաղեստինցի երեխաների սպանողը
«Նատուրի Կարտա» շարժման առաջնորդ Հայմ Սուվիրը (Haim Suvir) , որը դեմ է հանդես գալիս իսրայելական կեղծ ռեժիմի ստեղծմանը և դրա կենտրոնակայանը գտնվում է Լոնդոնում, Գազայի հատվածում Սիոնիստական ռեժիմի հարձակումները սպանություն և հանցագործություն է որակել՝ ասել, որ աշխարհի երկրները պետք է կանխեն այդ հանցագործությունների շարունակությունը։
Այս Հարեդի ուղղափառ հրեան ավելացրեց. «Մենք դատապարտում ենք Գազայի ժողովրդի սպանդը, որտեղ սպանվել են 12000 մարդ, որոնց մեծ մասը կանայք և երեխաներ էին: Աշխարհի երկրները, հատկապես Ռուսաստանը և Ամերիկայի Միացյալ Նահանգները, պետք է միջազգային բանակ ուղարկեն՝ պաշտպանելու պաղեստինցի խաղաղ բնակիչների իրավունքները և կանխելու այս կոտորածի շարունակությունը»։
Ջամեջամ
Պարենի Համշխարհային ծրագիր. Գազայի բնակիչները կանգնած են սովի վտանգի առջև
«Պարենի համաշխարհային ծրագիր» կազմակերպությունը հայտարարել է, որ օգնության մատակարարումները բավարար չեն հաղթահարելու սովի մակարդակը, որը Պարենի համաշխարհային ծրագրի աշխատակիցները դիտարկել են ապաստարաններում և այլ փախստականների վայրերում: Եթե սննդամթերքի փոխանցումը շարունակաբար չիրականացվի, Գազայի բնակիչները, հատկապես կանայք և երեխաները, ամենայն հավանականությամբ կհայտնվեն սովի վտանգի տակ։
Armenpress.am
Լոնդոնում տեղի ունեցած հայ-բրիտանական ռազմավարական խորհրդակցությունների շրջանակում քննարկվել են երկկողմ համագործակցությանը վերաբերող հարցեր
Նոյեմբերի 28-ին Լոնդոնում տեղի են ունեցել հայ-բրիտանական 6-րդ պաշտպանական ռազմավարական խորհրդակցությունները։ Այս մասին հայտնում է ՀՀ ՊՆ մամուլի ծառայությունը։ Հայկական պատվիրակությունը գլխավորել է ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանը։ Խորհրդակցություններին ներկա է եղել նաև Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ ու լիազոր դեսպան Վարուժան Ներսեսյանը։ Քննարկվել են տարածաշրջանային և միջազգային անվտանգությանն ու պաշտպանության ոլորտում երկկողմ համագործակցությանը վերաբերող հարցեր։ Լևոն Այվազյանը բրիտանացի գործընկերներին ներկայացրել է Հայաստանի շուրջ ստեղծված անվտանգային իրավիճակը և տարածաշրջանային խաղաղությանն ու կայունությանն ուղղված հայկական կողմի քայլերը, այդ թվում՝ «Խաղաղության խաչմերուկ» նախագիծը։ Ներկայացվել են նաև ՀՀ զինված ուժերում ընթացող լայնածավալ բարեփոխումները։ Կողմերը հանգամանորեն քննարկել են երկկողմ ռազմական համագործակցության ներկայիս ընթացքն ու զարգացման հեռանկարները։ Երկուստեք արձանագրվել են մի շարք նոր ոլորտներում առկա համագործակցային զգալի ներուժը և այն կյանքի կոչելու պատրաստակամությունը, որոնց շուրջ ձեռք են բերվել պայմանավորվածություններ։ Խորհրդակցությունների արդյունքում ՀՀ ՊՆ պաշտպանական քաղաքականության ու միջազգային համագործակցության վարչության պետ Լևոն Այվազյանը և ՄԹ պաշտպանության նախարարության Ռուսաստանի, Արևելյան Եվրոպայի և Կենտրոնական Ասիայի քաղաքականության հարցերով տնօրեն Դեյվիդ Մորգանը ստորագրել են պաշտպանության ոլորտում հայ-բրիտանական համագործակցության 2023-2024 թթ. ծրագիրը։ Պայմանավորվածություն է ձեռք բերվել 7-րդ պաշտպանական ռազմավարական խորհրդակցություններն անցկացնել Երևանում։
Panorama.am
Պուտինը Փաշինյանի հետ նախատեսված հեռախոսազրույց դեռ չունի, սակայն...Պեսկով
Հայաստանի վարչապետ Նիկոլ Փաշինյանի հետ զրույցը դեռևս ներառված չէ ՌԴ նախագահ Վլադիմիր Պուտինի գրաֆիկում: Այդ մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Այս պահին ոչ»,- ասել է Կրեմլի խոսնակը՝ պատասխանելով համապատասխան հարցին և շարունակել. «Բայց դուք գիտեք, որ դեկտեմբերի վերջին նախատեսվում է ամանորյա ավանդական միջոցառում (ԱՊՀ ոչ պաշտոնական գագաթնաժողով): Այն լինելու է աշխատանքային, աշխատանքային օրակարգով։ Եթե պարոն Փաշինյանը ժամանի այնտեղ, իսկ նրան բոլորի նման սպասում են, ուրեմն խոսելու մեծ հնարավորություն կլինի։ Եթե պետությունների ղեկավարները հարկ համարեն դա անել ավելի վաղ։ Դա իրենց որոշումը կլինի»:
Ավելի վաղ ՌԴ նախագահի օգնական Յուրի Ուշակովն ասել էր.
«Կարծում եմ, որ Հայաստանի ներկայացուցիչները Սանկտ Պետերբուրգ կգան, որտեղ տեղի կունենա ԱՊՀ երկրների ղեկավարների ոչ պաշտոնական ավանդական հանդիպումը և կլինի ԵԱՏՄ-ի պաշտոնական հանդիպումը: Ի դեպ, այս պահին մեզնից հետո նախագահող է դառնում Հայաստանը, ուստի կարծում եմ, որ Նիկոլ Փաշինյանը կգա Վլադիմիր Վլադիմիրովիչ Պուտինից էստաֆետը վերցնելու»։
Mamul.am
Թուրքիայում քննարկվել է Հայաստանի և Ադրբեջանի միջև խաղաղության գործընթացը». Կլաար
Հարավային Կովկասի և Վրաստանում ճգնաժամի հարցերով Եվրոմիության հատուկ ներկայացուցիչ Տոյվո Կլաարը հայտնել է, որ Թուրքիայում քննարկվել է հայ-ադրբեջանական կարգավորման հարցը։ Այս մասին նա գրել է X-ի իր միկրոբլոգում: «Երեկ այցելեցի Անկարա, որտեղ քննարկեցինք Հարավային Կովկասի տարածաշրջանին առնչվող հարցեր, որոնք փոխադարձ հետաքրքրություն են ներկայացնում ԵՄ-ի և Թուրքիայի համար, մասնավորապես, Հայաստանի և Ադրբեջանի միջև խաղաղության գործընթացը»,- նշել է նա:
Armenpress.am
Հայաստանի և Ադրբեջանի սահմանազատման հանձնաժողովների հանդիպումը կկայանա սահմանագծի Իջևանի ու Ղազախի հատվածում
Հայաստանի և Ադրբեջանի սահմանազատման հանձնաժողովների՝ նոյեմբերի 30-ին նախատեսված հանդիպումը կկայանա հայ-ադրբեջանական սահմանագծի Իջևանի ու Ղազախի հատվածում։
«Արմենպրես»-ին այս մասին հայտնեցին ՀՀ փոխվարչապետ, Հայաստանի և Ադրբեջանի միջև սահմանազատման և սահմանային անվտանգության հանձնաժողովի նախագահ Մհեր Գրիգորյանի գրասենյակից։
Ավելի վաղ Հայաստանն Ադրբեջանին առաջարկել էր սահմանազատման հանձնաժողովների հանդիպում անցկացնել հայ-ադրբեջանական սահմանին։ Այնուհետև հայտնի դարձավ, որ հանդիպման մասին կողմեր պայմանավորվածություն են ձեռք բերել․ այն կկայանա նոյեմբերի 30-ին։
Mamul.am
Զախարովան՝ Փաշինյանի՝ Սանկտ Պետերբուրգ հնարավոր այցի մասին
ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Սանկտ Պետերբուրգում կայանալիք հանդիպմանը՝ Փաշինյանի հնարավոր մասնակցությանը: Լրագրողի հարցին, թե արդյոք պետք է հույս ունենալ, որ նա կմասնակցի, Զախարովան պատասխանել է․ «Պետք է ոչ թե հույս ունենալ, այլ հիմնվել փաստերի վրա և դիրքորոշում ձևավորել՝ հիմնվելով իրականության վրա։ Կսպասենք կոնկրետ գործողությունների, ապա դիրքորոշում կհայտնենք»։
Նշենք, որ դեկտեմբերի 25-26-ին Սանկտ Պետերբուրգում կկայանան ԵԱՏՄ տնտեսական խորհրդի և ԱՊՀ առաջնորդների խորհրդի նիստերը։
