Մեկնաբանություն - Իրանի զսպող ուժը՝ տարածաշրջանում կայունության գործոն

Իրանի Իսլամական Հանրապետության պաշտպանական հզորությունը տարածաշրջանում դարձել է կայունության , ինչպես նաև զսպման գործոն անապահովություն ստեղծողների դիմաց։

Վերջին տարիներին Իրանի Իսլամական Հանրապետությունը արդյունավետ դերակատարությամբ է հանդես եկել տարածաշրջանում կայունության և անվտանգության հաստատման գործում, իսկ Արևմուտքի կողմից հովանավորվող ահաբեկչական  խմբավորումների ոչնչացումն ու ձախողումն Իրանի գործողություններից էր,որը  երաշխավորում է տարածաշրջանի անվտանգությունը:  Իրանի պաշտպանական կարողությունների շնորհիվ չեզոքացվել են  Իրաքում, Աֆղանստանում, Սիրիայում և տարածաշրջանի այլ երկրներում լարվածություն  հարուցող ԱՄՆ-ի  բազմաթիվ գործողություններ։

Պաղեստինի զինյալ խմբավորումների գործողությունների և  2023 թվականի հոկտեմբերի 7-ից «Ալ-Աքսա փոթորիկ» գործողության մեկնարկով, տարածաշրջանում իրադարձությունները փոխվեցին և բացահայտվեցին ԱՄՆ-ի  ու սիոնիստական ռեժիմի դավադրություններին  դիմակայելու դիմադրության խմբերի կարողությունները: Իրանի Իսլամական Հանրապետության իշխանությունները մշտապես ընդգծել են, որ այդ խմբավորումները օրինական գործողություններ են իրականացնում և օրինական նպատակներ են հետապնդում Սիոնիստական ​​օկուպացիոն ռեժիմին դիմակայելու համար։ Իրանը հիմնված է սկզբունքային և բարոյական քաղաքականության վրա, որն արմատավորված է Իսլամական հեղափոխության արժեքներում, և  դրա հիման վրա նրանք շարունակում են սիոնիստական ​​օկուպացիայի դիմաց պաշտպանել Պաղեստինի ժողովրդի օրինական ու պատմական իրավունքները։

«Ալ-Աքսա փոթորիկ»  գործողության սկզբից ի վեր Սիոնիստական ​​ռեժիմը չի կարողացել դիմակայել դիմադրության խմբերի օպերատիվ կարողություններին և ահաբեկչական գործողության դիմելով, հարձակվել է Դամասկոսում Իրանի դեսպանատան հյուպատոսական բաժնի վրա,ինչը հակասում է միջազգային իրավունքին  ու միջազգային նորմերին: 2024 թվականի ապրիլի 1-ին իսրայելական կործանիչները հրթիռակոծել են Դամասկոսում Իրանի դեսպանատան հյուպատոսական բաժինը, որի հետևանքով նահատակվել է 13 մարդ, այդ թվում Իրանի  յոթ ռազմական խորհրդական, ներառյալ՝ գեներալներ Մոհամմադ Ռեզա Զահեդին և Մոհամմադ Հադի Հաջի Ռահիմին և հինգ սպաներ:

Այս ահաբեկչական հարձակմանն արձագանքել է միջազգային հանրությունը։  Բայց այս իրադարձության կարևոր կետը՝ Իրանի արձագանքից Սիոնիստական ​​ռեժիմի ռազմատենչ ղեկավարների վախն էր և նրանց հայտնած անկարողությունը ։ Դա այն դեպքում,երբ ամերիկացի պաշտոնյաները պնդել են, որ իրենք  տեղյակ չեն եղել այդ հարձակման մասին։ 

Լիբանանի Հեզբոլլահի գլխավոր քարտուղար Սեյեդ Հասան Նասրալլահը երկուշաբթի օրը Դամասկոսում ԻԻՀ հյուպատոսության վրա Սիոնիստական ​​ռեժիմի հարձակման նահատակների հիշատակին նվիրված միջոցառման ժամանակ ունեցած ելույթում ընդգծել է,-Սիոնիստական ​​ռեժիմի ռազմական ագրեսիային պատասխան կտրվի, ինչը Իրանի օրինական և բնական իրավունքն է։

Իրանի Իսլամական Հանրապետության պաշտոնյաներն ընդգծել են, որ Սիոնիստական ​​ռեժիմը կվճարի տարածաշրջանում իր խռովարար գործողությունների համար, և  ինչպես նախորդ տարիներին Իրանի զսպող ուժը որոշիչ դեր ունի տարածաշրջանում կայունության և խաղաղության հաստատման գործում:

Իրանի Իսլամական Հանրապետությունը նաև բացահայտեց իր զսպող ուժը 2020 թվականին Իրաքի Այն ալ-Ասադում ամերիկյան ռազմաբազայի վրա հրթիռային հարձակման ժամանակ: Իրանի Իսլամական Հանրապետության գործառնական և ռազմավարական հնարավորությունները շատ բարձր են անապահովություն ստեղծողներին  պատժելու և  նրանց դիմակայելու համար, և Սիոնիստական ​​ռեժիմը, որպես տարածաշրջանում անկայունության և քաոսի առաջացման հիմնական  գործոն, կվճարի իր լարվածություն առաջացնող գործողությունների համար։

Իրանի մոտեցումն արդյունավետ կլինի տարածաշրջանում կայունություն և խաղաղություն հաստատելու, ագրեսորներին պատժելու  և  Իսլամական աշխարհի երկրներին միավորելու գործում՝ Սիոնիստական ​​ռեժիմին և ԱՄՆ-ին դիմակայելու համար, և նոր ալիք  է ձևավորվելու մահմեդական երկրների ժողովուրդների շրջանում՝ Պաղեստինին աջակցելու և սիոնիստներին դատապարտելու համար։