Մեկնաբանություն-Իրանի պաշտպանական հատվածի դեմ սահմանված պատժամիջոցները Արևմուտքի նոր նվերն է Իսրայելին
Սիոնիստական ցեղասպան ռեժիմին հաճոյանալու համար Եվրամիությունը հայտարարեց, որ ընդլայնելու է Իրանի պաշտպանական հատվածի դեմ պատժամիջոցները։
Ի պատասխան Սիրիայում Իրանի հյուպատոսության վրա սիոնիստների հանցավոր հարձակման, Պաղեստինի օկուպացված տարածքներում ռազմական օբյեկտների վրա ԱԹՍ-ներով և հրթիռներով հարձակում իրականացնելու Իրանի Իսլամական Հանրապետության աննախադեպ պատժիչ գործողությունից մի քանի օր անց, Եվրամիությունը հայտարարեց, որ ընդլայնելու է Իրանի պաշտպանության հատվածի դեմ իր պատժամիջոցների շրջանակը։
ԵՄ արտաքին քաղաքականության և անվտանգության հարցերով ներկայացուցիչ Ժոզեպ Բորելը երկուշաբթի օրը հաստատելով հրթիռների և ԱԹՍ-ների ոլորտում հակաիրանական պատժամիջոցներն ընդլայնելու Եվրամիության որոշումը, ընդգծել է Եվրոպայի դժգոհությունը Իսրայելի վրա Իրանի հրթիռային և անօդաչու թռչող սարքերի վերջին հարձակման կապակցությամբ: Բորելը նշել է,որ այս պատժամիջոցների նպատակն է կանխել Իրանի և Ռուսաստանի նման երկրների հրթիռային և անօդաչու թռչող սարքերի արդյունաբերության զարգացումը։
հարցերով ներկայացուցիչ
Մի քանի օր առաջ ԱՄՆ-ի և Բրիտանիայի կառավարություններն անհիմն պատրվակներով պատժամիջոցներ են սահմանել համապատասխանաբար 16 և 13 իրանցի անձանց և հաստատությունների նկատմամբ։
Անցյալ շաբաթ ԱՄՆ ազգային անվտանգության հարցերով խորհրդական Ջեք Սալիվանը, անդրադառնալով Իրանի հրթիռային և անօդաչու թռչող սարքերի արդյունաբերության դեմ նոր պատժամիջոցներ սահմանելու Վաշինգտոնի որոշմանը, ասաց, որ Վաշինգտոնն ակնկալում է, որ իր դաշնակիցները կհետևեն ԱՄՆ-ի այս քայլին։
Այսպիսով, ինչպես և սպասվում էր, ԱՄՆ-ի պահանջից անմիջապես հետո Եվրամիությունը հայտարարեց, որ թիրախավորելու է Իրանի պաշտպանական արդյունաբերությունը, հատկապես հրթիռային և անօդաչու թռչող սարքերի ոլորտները։
Իրականում, Գազայում և տարածաշրջանում Իսրայելի հանցագործություններն ու սադրիչ գործողությունները կասեցնելու փոխարեն, Եվրամիությունը ընդգծեց իր լիակատար աջակցությունը այս հանցավոր և ցեղասպան ռեժիմին։ Իսրայելի արտգործնախարար Իսրայել Կացը ողջունել է ԵՄ-ի այդ որոշումը։
Իրանի հրթիռային և անօդաչու թռչող սարքերի արդյունաբերության դեմ պատժամիջոցներ կիրառելու ԱՄՆ-ի և Եվրոպայի քայլերը տեղի են ունենում այն ժամանակահատվածում, երբ հիմնականում Իսլամական Հանրապետությունը փորձում է բարելավել իր պաշտպանական կարողությունները բոլոր, հատկապես հրթիռների և անօդաչու թռչող սարքերի ոլորտներում, ապավինում է իր փորձագետների կարողություններին, իսկ Արեւմուտքի պատժամիջոցները, ինչպես նախկինում ապացուցվել է, չեն կարող խոչընդոտել Իրանի պաշտպանունակության զարգացումը։
Իրանական հրթիռներն ու ԱԹՍ-ներն ունեն պաշտպանական բնույթ և Իրանի զսպման դոկտրինին համահունչ են։
Իրանի Իսլամական Հանրապետությունը, ինչպես ցանկացած այլ երկիր, իրավունք ունի ընտրել իր պաշտպանության միջոցները՝ միջազգային իրավունքի հիման վրա: Իրանի հրթիռային և անօդաչու թռչող սարքերի կարողությունների ամրապնդումն ուղղված է նաև պաշտպանության օրինական կարիքների բավարարմանը և համաձայն ՄԱԿ-ի կանոնադրության 51-րդ հոդվածի խթանում է «ինքնապաշտպանության» իրականացումը։ Այս առումով Իրանի Իսլամական Հանրապետության զինված ուժերը իրենց բնորոշ առաքելությունների շրջանակում վճռական են տրամադրված հետամուտ լինել սպառազինության կարողությունների ամրապնդմանը:
Բոլոր տեսակի բալիստիկ և թեւավոր հրթիռների, ինչպես նաև ուսումնական, հետախուզական և հարձակողական անօդաչու թռչող սարքերի արտադրության ոլորտում Իրանի աճող առաջընթացն այս ջանքերի արդյունքն է,որը հանգեցրել է թշնամու պաշտպանության ձախողմանը։
