Պարսից ծոցի համագործակցության խորհուրդը շարունակում է հակաիրանական հայտարարություններ անել
Մի քանի օր է, ինչ սաուդցիներին մոտ կանգնած քաղաքական շրջանակները Սաուդյան Արաբիայի քաղաքականություններին ուղղված քննադատությունները հակակշռի տակ առնելու համար , Իրանի դեմ անհիմն մեղադրանքներ են հնչեցնում:
Նրանք ինչպես միշտ Իրանին մեղադրում են տարածաշրջանի երկրների ներքին գործերին միջամտելու մեջ կամ առաջ քաշում Պարսից ծոցի եռյակ կղզիների սեփականատիրության հարցը:
Պարսից ծոցի համագործակցության խորհրդի (ՊԾՀԽ) վերջին նիստը ևս բացառություն չէր: Խորհուրդն իր կլիշե դարձած հաղորդագրության մեջ կրկնել է իրանական եռյակ կղզիներ՝ «Մեծ ու փոքր թոնբեր»ի և «Աբու Մուսա»-ի սեփականության վերաբերյալ Էմիրությունների անհիմն հայտարարությունը:
Պատմության բոլոր ժամանակաշրջաններում եռյակ կղզիներ՝ Մեծ ու փոքր թոնբերը և Աբու Մուսան եղել են Իրանի տարածքի անբաժան մասը:
Պատմական ու աշխարհագրական բոլոր քարտեզները հաստատում են այդ փաստը:Բազմաթիվ քարտեզներ, այդ թվում 1832, 1892 և 1897 թթ.-ին վերաբերող քարտեզները հաստատում են ,որ Պարսիցծոցյան եռյակ կղզիները պատկանում են Իրանին: Այս կապակցությամբ կան բազմաթիվ այլ փաստեր ու վկայություններ:
Այնուամենայնիվ այդ անհիմն հայտարարությունն արդեն ավելի քան երեք տասնամյակ է ,որ հակաիրանական քարոզչության շրջանակում կրկնվում է Պարսից ծոցի համագործակցության խորհրդի (ՊԾՀԽ) և Արաբական պետությունների լիգայում (ԱՊԼ) նիստերում կամ ՄԱԿ-ի Գլխավոր ասամբլեայում:
Պարսից ծոցի պատմության խեղաթյուրումը նորություն չէ և հաճախ են կրկնվում Իրանի տարածքային ամբողջականության վերաբերյալ հայտարարությունները: Սակայն կարելի է ասել ,որ այդ բոլոր անհիմն հայտարարությունների նպատակն է հակակաշռի տակ առնել Սաուդյան Արաբիայի դեմ ուղղված ճնշումները:
Պարսից Ծոցի մի շարք արաբական երկրներ Սաուդյան Արաբիայի գլխավորությամբ միջուկային հարցում այլևս պատրվակներ չունենալով փորձում են իրանաֆոբիա տարածելով իրականացնել իրենց հակաիրանական քայլերը: Առկա տվյալները ցույց են տալիս,որ ներկայումս այդ հակաքարոզչությունը Պարսիցծոցյան տարածաշրջանում հայտնվել է միջազգային ու տարածաշրջանային լարվածությունների ու մրցակցությունների կենտրոնում, հատկապես ,որ արևմտյան Ասիայում քաղաքական ու ռազմական հավասարությունները փոփոխվել են և տարածաշրջանում Սաուդյան Արաբիայի ռազմական միջամտության ռազմավարության պարտության վերաբերյալ առկա մտահոգությունը պատճառ է դարձել ,որ Ռիադի դաշնակիցները նոր դիրքորոշումներ կիրառեն: Ուստի նրանք փորձում են անվտանգության խնդիրներ հարուցել Իրանի համար: Այդ լարվածությունները բխում են Սաուդյան Արաբիայի համագործակցությամբ վերտարածաշրջանային ուժերի շահերից:
Երեքշաբթի օրը Քիշում լրագրողներին տված հարցազրույցում, Իրանի ազգային անվտանգության գերագույն խորհրդի քարտուղար՝ Ալի Շամխանին ընդգծել է.«Իրանի ժողովուդը կտրուկ պատասխան է տալու իրանական եռյակ կղզիների սեփականատիրության վերաբերյալ Պարսիցծոցյան որոշ երկրների անհիմն հայտարարություններին»:
«Եռյակ կղզիները Իրանի իսլամական հանրապետության անբաժանելի մասն են»,հստակեցրել է նա: