Պուտինը հերքել է ԱՄՆ նախագահական ընտրություններում Ռուսաստանի միջամտության վերաբերյալ հայտարարությունը
ՌԴ նախագահ՝ Վլադիմիր Պուտինը հինգշաբթի օրը հերքել է ԱՄՆ-ի այն հայտարարությունը, թե Ռուսաստանը հաքերների միջոցով կոտրելու է համակարգչային սերվերները և ազդելու է ԱՄՆ նախագահական ընտրությունների արդյունքների վրա հօգուտ Թրամփի : Նրա խոսքերով՝ Ռուսաստանը չի կարող ազդեցություն ունենալ ԱՄՆ-ում կայանալիք նախագահական ընտրությունների վրա: «Նման հայտարարություններն ընդամենը հիստերիայի դրսևորում են »,ասել է Պուտինը:
Իդեպ ՌԴ նախագահն անհեթեթություն է որակել այն հայտարարությունը, թե Ռուսաստանը կաջակցի հանրապետական թեկնածուին: «Նման հայտարարությունները ուղղակի միջոց են քաղաքական հակամարտության և քվեարկության արդյունքները փոխելու համար», ասել է Պուտինը:
Ավելի վաղ, ՌԴ ԱԳ նախարար՝ Սերգեյ Լավրովը «զավեշտ» է որակել ընտրությունների վրա ազդելու վերաբերյալ ամերիկացի պետայրերի կողմից հնչեցված մեղադրանքները:
ՌԴ նախագահը նաև կարծիք է հայտնել, որ ԱՄՆ-ում առաջիկա նախագահական ընտրություններին ընդառաջ այդ երկրի քաղաքական էլիտան շեղում է մարդկանց ուշադրությունը իրական խնդիրներից՝ ստեղծելով ոչ բարեկամ Ռուսաստանի կերպար: «Հավանաբար, ընտրությունների ընթացքում խոսքը պետք է գնար այլ, դեռևս չլուծված և իրական խնդիրների մասին: Սակայն, ինչպես երևում է, այդ երկրի քաղաքական էլիտան հասարակությանը հանգստացնելու տարբերակներ չունի, ուստի ավելի հեշտ է շեղել մարդկանց ուշադրությունը և սևեռել այն ռուս, այսպես ասած, հաքերների, լրտեսների, գործակալների վրա», ասել է Վլադիմիր Պուտինը:
Պուտինը այդ հայտարարություններով հակադարձել է Ռուսաստանի դեմ ուղղված ԱՄՆ-ի նոր մեղադրանքներին: Ռուսաստանն այժմ հայտնվել է Վաշինգտոնի հոգեբանական պատերազմի առջև ,որը փորձում է ամեն գնով տարբեր մեղադրանքներ հնչեցնել ՌԴ-ի դեմ: ԱՄՆ-ն մի կողմից ՌԴ-ին մեղադրում է Սիրիայում ,հատկապես Հալեպի պատերազմում ցեղասպանության մեջ և մյուս կողմից ԱՄՆ-ի ներքին քաղաքական դաշտ ներթափանցելու, հատկապես այդ երկրի նախագահական ընտրությունների արդյունքների վրա ազդելու նպատակով կիբեր պատերազմ սանձազերծելու մեջ: ԱՄՆ կառավարությունը հոկտեմբերի 7-ին պաշտոնապես Ռուսաստանին մեղադրեց Դեմոկրատական կուսակցության ազգային կոմիտեի և ԱՄՆ-ի քաղաքական պաշտոնյաների համակարգիչների վրա կիբեր հարձակում իրականացնելու մեջ: Սպիտակ Տան պաշտոնյաները ավելի վաղ Ռուսաստանին մեղադրել էին ԱՄՆ-ի դեմ կիբեր հարձակում իրականացնելու մեջ: Ռուսների կարծիքով, քանի որ ամերիկացի պաշտոնյաները չեն կարողանում իրատեսորեն վերլուծել ընտրական հարցերը , փորձում են ընտրական խնդիրներն արտասահմանյան երկրներին վերագրելով արդարանալ սեփական ժողովրդի մոտ:
Իհարկե Պուտինը նշել է, որ Ռուսաստանը չի միջամտի ԱՄՆ նախագահական ընտրություններին, բայց դա չի նշանակում, որ որոշակի դիրքորոշում չունի այդ բնագավառում: Պուտինը Թրամփի հաջողության պատճառի մասին ասել է.«Թրամփը փորձում է դիմել այն մարդկանց, ովքեր հոգնել են էլիտայից և ժամանակը ցույց կտա ,թե այդ քայլը ինչ ազդեցություն կունենա»:
Պուտինը ի դեպ նշել է,որ Մոսկվան անտարբեր չէ ԱՄՆ նախագահական ընտրությունների նկատմամբ:
«Պարզ չէ,թե ԱՄՆ հաջորդ նախագահը ինչպիսի դիրքորոշում կորդեգրի ՌԴ-ի նկատմամբ,այնուամենայնիվ Մոսկվան ողջունում է ՌԴ-ի հետ հարաբերությունները նորմալացնելու վերաբերյալ նախընտրական քարոզարշավների ժամանակ հնչած հայտարարությունը»,ասել է Վլադիմիր Պուտինը:
Նշենք, որ այժմյան պայմաններում տարածաշրջանային ու միջազգային հարցերում Մոսկվան ու Վաշինգտոնն ունեն բազում տարաձայնություններ: