Իրանի զինված ուժերի զորավարժությունը ՝ մարտունակության ցուցադրում
Իրանի հարավում , հարավ-արևելյան և հարավ արևմտյան շրջաններում մեկնարկել է բանակի և Իսլամական հեղափոխության պահակազորի «Վելայաթ 7 երկնքի պաշտպաններ» համատեղ զորավարժությունը:
Տարածաշրջանի և Իրանի դեմ ուղղված սպառնալիքների ներկա պայմաններում, նման զորավարժության անցկացումը մեծ նշանակություն ունի : Անտարակույս ներքին մասշտաբով անվտանգության ապահովումը, նաև երկրի օդային, ջրային ու ցամաքային սահմանների ամենաբարձր մակարդակում պաշտպանությունը գտնվում է երկրի պետայրերի ուշադրության կենտրոնում: Սակայն ընդհանուր առմամբ կարելի է ասել, որ պաշտպանական հարցն ունի տարբեր շերտեր, քանզի և՛ ներքին բեմերում, և՛ միջազգային մասշտաբով , տարբեր են պատերազմի տեսակները ՝ փափուկ, կիբեր, էլեկտրոնային ու այլ տեսակի պատերազմներ: Ոսւտի անվտանգությունն ավելի մեծ սահմանում է ստացել: Սպառնալիքների հաղթահարումը և երկրների մարտունակությունը գնահատվում է գիտական կարողություններով և մարդուժի մասնագիտական կարողություններով:
Հաշվի առնելով այդ սպառնալիքները, Իրանի պաշտպանական դոկտրինայի գլխավոր բաղադրիչն է համարվում ծրագրակազմային ու սարքակազմային ոլորտներում սպառնալիքների դեմ պայքարում մարտունակության բարձրացումը : Անվտանգությունն ընդհանուր առմամբ, երկու գլխավոր մասեր ունի: Առաջինը ՝ պաշտպանական ինդուստրիայի տեղայնացումը և սովորական պաշտպանական ունակությունների մեծացումն է: Անվտանգության և ռազմական հարցերի փորձագետները տարածաշրջանում ԱՄՆ-ի , իսկ վերջերս Բրիտանիայի զորակայանների առկայությունն են համարում Իրանում անապահովություն տարածելու նպատակով տարածաշրջանի որոշ երկրների և ԱՄՆ-ի ու Բրիտանիայի երկարատև մարտավարության մասը: Վերջին տասնամյակին, իրանաֆոբիա տարածելով, ԱՄՆ-ը միլիարդավոր դոլարների զենքեր ու կործանիչներ է վաճառել պարսիցծոցյան արաբական երկրներին: Այս գործընթացի տևակայումն ապացուցում է , որ իմպերիալիստական երկրները նպատակ ունեն անվտանգության ոլորտում ձեռնոց նետել Իրանին:
Իսլամական հեղափոխության մեծարգո առաջնորդ՝ Այաթոլլահ Խամենեին վերջերս Իրանի ռազմական ինդուստրիայի գիտահետազոտական ոլորտի դիտարկման ժամնակ ընդգծել է պաշտպանունակության բարձրացման անհրաժեշտությունը: «Աշխարհում , որտեղ իշխում են բռնատեր ուժերը , որոնք ոչինչ չեն խնայում երկրների տարածքային ամբողջականությունը խախտելու և մարդկանց սպանելու համար, մարտական կարողությունների ամրապնդումը բնական երևույթ է համարվում: Հակառակ դեպքում հնարավոր չի լինելու ապահովել երկրների անվտանգությունը»:
Այդպիսով, Իրանի ռազմական դոկտրինան ձևավորվել է կանխարգելման և պաշտպանական երկու գլխավոր առանցքների վրա: Իրանը մարտական առումով կարևոր դիրք է զբաղեցնում տարածաշրջանի անվտանգության հարցում: Իրանը իհարկե երբեք չի եղել պատերազմը սկսող կողմը, սակայն գործնականում ցույց է տվել, որ սպառնալիքների դեմ պայքարում երբեք չի հանձնվել ոտնձգիչներին և իր մարտունակությանն ապավինելով, կարող է դեմ գնալ տարածաշրջանում անապահովություն տարածողներին: