Հայաստանում մեծ բարեփոխումներ իրականացնելու նախագիծը կներկայացվի խորհրդարանին

Հայաստանի վարչապետի գրասենյակը մի հաղորդագրությամբ հայտարարել է, որ երկրում մեծ բարեփոխումներ անցկացնելու նախագիծը շուտով կներկայացվի խորհրդարանին:

Նախագիծը նպատակ ունի 2017-2022 թթ.-ին Հայաստանում տնտեսական մեծ բարեփոխումներ իրականացնել: Այն հունիսի 19-ին վավերացվել է ՀՀ կառավարության կաբինետի կողմից: Նախագիծը բաղկացած է չորս մասից, որոնք են՝ բարեփոխումների անցկացումը վարչակառավարական և իրավական, արտաքին քաղաքականության և պաշտպանական, տնտեսական և հասարակական ոլորտներում :

Հայաստանում մեծ բարեփոխումներ իրականացնելու նախագիծը պատրաստվել է վերջին 9 ամիսների ընթացքում տնտեսական դժվարությունների մասին անցկացված հետազոտությունների հիման վրա և դրա նպատակն է զարգացնել երկրի տնտեսությունը:

Նկատի առնելով Հայաստանում  ՀՆԱ-ի ցածր մակարդակը և տնտեսական դանդաղ աճը, այդ նախագիծը պատրաստվել է վերոնշյալ խնդիրները կարգավորելու նպատակով:  Հայաստանում տնտեսական աճի ցուցանիշը 2013-1015 թթ. շուրջ 3 տոկոս է եղել և 2013 թվականից մինչև 2017 թ.-ը ՀՆԱ-ն 23 միլիարդ դոլարից բարձրացել է 25 միլիարդ դոլարի:

ՀՀ նախագահ Սերժ Սարգսյանը  ասել է.-«Մինչև 2040 թ.-ը այդ երկրի տնտեսական աճը պետք է հասնի 5 տոկոսի»:

Հայաստանի խորհրդարանը  մեկ այլ, հնգամյա նախագիծ է ներկայացրել կոռուպցիայի դեմ պայքարի, հարկերի բարեկարգման և աշխատատեղեր ստեղծելու նպատակով: 

Ավելի վաղ, Հայաստանի վարաչապետ Կարեն Կարապետյանն ընդգծել էր, որ նախագիծը պատրաստվել է տնտեսական զարգացման, աշխատատեղերի ստեղծման, աշխատավարձերի ավելացման,  արտածումների և ներմուծումների ավելացման և հարկային օրենքների կարգավորման նպատակով:

Արժույթի միջազգային հիմնադարամը ողջունել է Հայաստանում անցկացվող բարեփոխումների ծրագիրը և հայտարարել է , որ կառավարությունը քայլում է տնտեսական զարգացման հասանելիության ծրագրի ուղղությամբ: 

Արժույթի միջազգային հիմնադարամի պաշտոնատար Հոսեյն Սամիին ասել է.-«Մենք ողջունում ենք տնտեսական զարգացման և նոր աշխատատեղեր ստեղծելու և ներդրումներ ներգրավելու ուղղությամբ Հայաստանի կառավարության  ջանքերը»:

 Հայաստանի տնտեսությունը   փոքր է և վերջին տարիների ընթացքում  այդ երկրիը միայն 3 միլիարդ դոլար արժողությամբ ներմուծում և 1 միլիարդ դոլար արտահանում է արձանագրել: Նկատի առնելով որ Հայաստանն ունի ոչ նավթային տնտեսություն, հետևաբար աշխատատեղեր ստեղծելու և  հարկային համակարգի ոլորտում անցկացվող բարեփոխումները կարող են օգնել Հայաստանի տնտեսության զարգացմանը: 

Հայստանը նույնպես պետք է փորձի Լեռնայաին Ղարաբաղի հակամարտությունը կարգավորել Ադրբեջանի հետ որպեսզի կարողանա արտասահմանյան ներդրումներ ներգրավելու համար անվտանգ պայմաններ ստեղծել երկրում: 

Հայ պաշտոնյաների տեսակետից, տնտեսական 5 տոկոս աճի հասնելու հեռանկարը ցույց է տալիս, որ նրանք իրատեսական և գործնական ծրագիր են մշակել այդ երկրում բարեփոխումներ անցկացնելու ուղղությամբ: Այս նպատակի  իրագործումը նաև կարող է օգնել տարածաշրջանում համագործակցությունների ավելացմանն ու սահմանային լարվածությունների կրճատմանը: