Եվրոպան հակադարձելու է Ռուսաստանի դեմ ԱՄՆ-ի նոր պատժամիջոցներին
Եվրահանձնաժողովի ղեկավար՝ Ժան Կլոդ Յունկերը պահանջել է քննարկել Ռուսաստանի դեմ ԱՄՆ-ի նոր պատժամիջոցները և եվրոպական ընկերությունների պայմանագրերի վրա ազդելու դեպքում, հակադարձել այդ պատժամիջոցներին:
Եվրահանձնաժողովում քննարկվել է նախագիծ, որի համաձայն, եթե ԱՄՆ-ն առանց Եվրամիության մտահոգությունները նկատի առնելու Ռուսաստանի դեմ նոր պատժամիջոցներ վավերացնի, եվրոպական երկրները կհակադարձեն այդ որոշմանը:
ԱՄՆ-ի սենատի և Ներկայացուցիչների պալատի դեմոկրատականև հանրապետական անդամները շաբաթ օրը համաձայնության են եկել իրանի, Ռուսաստանի և Հյուսիսային Կորեայի դեմ նոր պատժամիջոցներ կիրառելու շուրջ: Նախագիծը վավերացվելու է երեքշաբթի օրը: Թվում է, թե հանձնաժողովը մտահոգված է, որ ԱՄՆ Կոնգրեսում քննարկվող միջոցառումները կարող են անկանխատեսելի հետեւանքներ ունենալ, այդ թվում նաեւ եվրոպական տնտեսական և էներգետիկ շահերի համար:
Չնայած 2014 թվականին եվրամիությունն ԱՄՆ-ի հետ միասին պատժամիջոցներ է սահմանել Ռուսաստանի դեմ՝ Ուկրաինայի արևելյան շրջաններում տիրող ճգնաժամի և Ղրիմի թերակղզին Ռուսաստանին կցվելու հարցով, սակայն հնարավոր չէ թաքցնել այն փաստը, որ այդ պատժամիջոցներ բացասաբար են ազդել եվրոպական երկրների, հատկապես Գերմանիայի տնտեսության վրա, որոնք հիմնված են արտահանման վրա:
Այդ հարցով տարաձայնություն ու պառակտում է առաջացել եվրոպական երկրների միջև: Հունաստանի, Հունգարիայի և Կիպրոսի նման մի շարք եվրոպական երկրներ, որ երկար տարիների առևտրատնտեսական հարաբերությունների անցյալ ունեն Ռուսաստանի հետ, ցանկանում են չեղարկել կամ նվազագույնի հասցնել այդ պատժամիջոցները: Իսկ եվրամիության այն երկրները, որոնք Ռուսաստանի հետ դարավոր թշնամություն ունեն կամ այսօր անվտանգության սպառնալիք են զգում Մոսկվայի կողմից, այդ թվում Լեհաստանը և բալթյան հանրապետությունները, կողմ են ռուսաստանի դեմ պատժամիջոցների շարունակմանը:
Համենայնդեպս, Եվրամիության հակազդեցությունն է առթել Ռուսաստանի դեմ նոր պատժամիջոցներ սահմանող ԱՄՆ Կոնգրեսում քննարկվող օրենքի նախագիծը, որը կարող է վնասել Եվրամիության առևտրտնտեսական և էներգետիկ շահերին և անկանխատեսելի հետևանքներ ունենալ:
Անդրադառնալով Ռուսաստանի դեմ պատժամիջոցների վավերացման ԱՄՆ-ի Սենատի քայլը դատապարտող 2017 թ. հունիսին հրապարակված Գերմանիայի և Ավստրիայի արտգործնախարարների համատեղ հաղորդագրությանը, Ռուսաստանի գիտությունների ազգային ակադեմիայում, Գերմանիայի ուսումնասիրությունների կենտրոնի տնօրեն Վլադիսլավ Բիլովն ասել է, որ այդ հաղորդագրությունը Եվրոպայի ուղղակի պատգամն է ԱՄՆ-ի նախագահ՝Դոնալդ Թրամփին, որպեսզի չստորագրի այդ հաղորդագրությունը:
Այդպիսով կարելի է ակնկալել, որ ազատ առևտրի, կլիմայական փոփոխությունների և ՆԱՏՕ-ի վիճակի մասին Վաշինգտոնի ու Բրյուսելի միջև գոյություն ունեցող տարաձայնություններին ավելացել է մեկ այլ հարց:
Իրականում Ռուսաստանի դեմ ԱՄՆ-ի նոր պատժամիջոցները տնտեսական ճնշում է Եվրամիության վրա, ինչը վնասելու է Բրյուսել-Վաշինգտոն երկկողմ հարաբերություններին:
