Սուդանցիները բողոքի ցույց են անցկացրել Նյու Յորքում Սաուդյան հյուպատոսության շենքի դիմաց
Մի խումբ սուդանցիներ բողոքի ցույց են անցկացրել Նյու Յորքում Սաուդյան հյուպատոսության շենքի դիմաց: Նրանք դատապարտել են Սաուդյան Արաբիայի, Եգիպտոսի և ԱՄԷ-ի միջամտությունը Սուդանի ներքին գործերին:
Ցուցարարները, մի հաղորդագրությամբ, այդ երեք երկրներին կոչ են արել դադարեցնել աջակցությունը Սուդանի ռազմական խորհրդին, մասնավորապես՝ զինված խմբեիրին:
Ցուցարարները նաև պահանջել են իշխանությունը հանձնել քաղաքացիական կառավարությանը, մայրաքաղաք Խարթումից և այլ քաղաքներից հեռացնել զինյալ խմբավորումներին, նախաձեռնել քրեական հետապնդում քաղաքացիների սպանության մեջ ներգրավված անձանց դեմ և դատաական գործ հարուցել հանցավորների նկատմամբ:
Սուդանի ռազմական խորհուրդը ձևավորվել է ապրիլի 11-ին՝ բանակի կողմից կազմակերպված հեղաշրջման արդյունքում և գեներալ Օմար ալ-Բաշիրի պաշտոնանկությունից հետո:
Սաուդյան Արաբիան և Միացյալ Արաբական Էմիրություններն աջակցում են Սուդանի ռազմական խորհրդին:
