Սիրիայի բանակը տեղակայվել է Խան Շեյխուն շրջանում
Սիրիայի բանակը շարունակելով Ռիֆ Իդլիբում առաջխաղացումը, տեղակայվել էԽան Շեյխուն քաղաքի հյուսիային տարածքներում:
Հղում անելով «Ռուսիա Ալյում» գործակալությանը, ԻՌՆԱ-ն հաղորդել է, որ Խան Շեյխուն քաղաքի արվարձաններում ահաբեկիչների հետ առճակատվելուց հետո, Սիրիայի բանակայինները ոչնչացրել են մի խումբ ահաբեկիչների և իրենց վերահսկողության տակ առել քաղաքի հյուսիսային մասը:
Ավելի վաղ նույնպես Սիրիայի բանակն Իդլիբի հարավում մի ռազմական գործողության ընթացքում ոչնչացրել էր շուրջ 40 ահաբեկիչների և կարողացել էր կտրել դեպի Խան Շեյխուն ու այլ շրջաններ տանող ահաբեկիչների մատակարարման հիմնական ճանապարհները:
Իդլիբ քաղաքում Ջեբհաթ Ալ-Նոսրա ահաբեկչական խբմի վիճակը ճգնաժամային դառնալուց ու վերջիններիս օգնելու համար Թուրքիայի կողմից տարվող ջանքերից հետո, Սիրիայի բանակը ծավալուն գործողություններ սկսեց, որպեսզի կարողանա ահաբեկիչների վերահսկողությունից ազատագրել Համա և Իդլիբ նահանգները:
Խան Շեյխունը Իդլիբ նահանգի արևելյան, արևմտյան և հյուսիսային առանցքներն իրար կապող օղակն է, որի ազատագրումը համարվում է Սիրիայի տնտեսական կենտրոնը համարվող Հալեպի ճանապարհը բացելու առաջին քայլը: