Սիրիայի հյուսիսում Թուրքիայի իրականացրած գործողության հետևանքով, սպանվել կամ վիրավորվել է 56 մարդ
Սիրիայի մարդու իրավունքների դիտորդ խումբը հայտարարել է, որ այդ երկրի հյուսիսում Թուրքիայի իրականացրած գործողության հետևանքով, զոհվել է 15 և վիրավորվել՝ 41 մարդ:
Խումբը հայտարարել է, որ չորեքշաբթի օրը մեկնարկած գործողության ընթացքում զոհվել է 8 քաղաքացիկան անձ, այդ թվում՝ 4 կին ու մեկ երեխա և քրդական ուժերի 7 անդամ: Հաղորդման համաձայն, ավիահարվածների ու հրետանակոծության հետևանքով, վիրավորվել է 13 քաղաքացիական անձ և քրդական ուժերի 28 անդամ:
Չորեշքաբթի օրը, Թուրքիայի նախագահ Ռեջեբ Թայիբ Էրդողանը հայտարարեց Սիրիայի հյուսիս-արևելքում քրդական ուժերի դեմ ուղղված «Խաղաղության աղբյուր» ռազմական գործողության մեկնարկի մասին:
Թուրքիայի պաշտպանության նախարարությունը տարածել է հաղորդագրություն, որում նշված է, որ այդ երկրի զորուժը Սիրիայի հյուսիսում հարձակում է իրականացրել 181 թիրախների դեմ:
Քրդական ուժերը հայտարարել են, որ պատրաստ են դիմակայել թուրքական բանակին: