Իրաքի ժողովուրդը պետք է զգուշանա ԱՄՆ-ի միջամտություններից ու սադրանքներից
Իրաքի Սադր շարժման առաջնորդ Մուղթադա Սադրն այդ երկրի ժողովրդին կոչ է արել խաղաղ ցույցերի ժամանակ զգուշանալ ԱՄՆ-ի և օտարերկրյա գործակալների սադրանքներից:
Մուղթադա Սադրը չորեքշաբթի օրը թուիթերյան իր էջում գրել է.«Իրաքի ժողովուրդը չպետք է հարձակվի այլ երկրների դիվանագիտական ներկայացուցչությունների և դեսպանատների վրա, նույնիսկ՝ կարգախոսներ վանկարկելով»:
Սադրը նշել է.«Իրաքի անվտանգության ուժերը չպետք է հարձակվեն ցուցարարների վրա, այլ պետք է ցույցերի ընթացքում հայտնաբերեն այդ շարքեր ներխուժած գործակալներին և ձերբակալեն նրանց»:
Նշելով, որ խորհրդարանը պետք է արմատական փոփոխություններ իրականացնի, Իրաքի Սադր շարժման առաջնորդը հավելել է.«Այս ոլորտում կարևորագույն քայլերից է՝ ընտրկան կոմիտեի, ընտրական օրենքի և Սահմանադրության որոշ կետերի փոփոխումը»:
Ավելի վաղ Մուղթադա Սադրը, զգուշացնելով ԱՄՆ-ի կողմից Իրաքի վերջին իրադարձությունները շահարկելու կապակցությամբ, ասել էր.«Իրաքի ժողովուրդը թույլ չի տա Վաշինգտոնն Իրաքը դարձնի Սիրիա»:
Մերժելով Իրաքում վաղաժամ ընտրություններ անցկացնելու մասին ԱՄՆ-ի առաջարկությունը, Մուղթադա Սադրն ասել է.«Մենք ավելի վաղ առաջարկել էինք վաղաժամ ընտրություններ անցկացնել, սակայն եթե այդ ընտրությունները պետք է կայանան ամերիկացիների վերահսկողության տակ, ապա մենք չենք լռելու դրա դիմաց»:
Վերջին շաբաթների ընթացքում հասարակական ծառայությունների անբարենպաստ վիճակի դեմ բողոքի ակցիաներ են տեղի ունեցել Իրաքի որոշ քաղաքներում:
