Իրաքի վարչապետ է նշանակվել Մոհամմեդ Թոֆիղ Ալավին
Իրաքյան աղբյուրները հայտարարել են, որ երկուշաբթի երեկոյան, շաբաթներ տևած ձգձգումից հետո, Իրաքի նախագահ Բարհամ Սալեհը Մոհամմեդ Թոֆիղ Ալավիին ներկայացրել է վարչապետի պաշտոնի համար:
Հաղորդման համաձայն, Ալավին վարչապետ է ընտրվել Սալեհի երեք հոգանոց ցուցակից:
2003թ. ի վեր, Ալավին երկու շրջան Իրաքի խորհրդարանի պատգամավոր է եղել: Նուրի Ալ-Մալեքիի կառավարության ժամանակ նա եղել է հաղորդակցության նախարարը:
2019թ. նոյեմբերի 30-ին, ժողովրդական բողոքների պատճառով, Իրաքի վարչապետ Ադել Աբդոլմահդին հրաժարական ներկայացրեց և այդ ժամանակից մինչև նոր վարչապետի նշանակվելը, նրա կառավարությունը ժամանակավորապես կատարում էր իր աշխատանքըլ:
Իրաքում վերջին ամիսներին տեղի են ունենում բողոքի ցույցեր՝ կոռոպցիայի, հանրային ծառայությունների անբավարար մակարդակի ու աշխատատեղերի բացակայության դեմ: Սակայն վերջին շաբաթների ընթացքում, ցույցերի ընթացքում տեղի են ունեցել անկարգություններ, որոնց հետևանքով գրանցվել են զոհեր ու վիրավորներ:
Փաստերը վկայում են այն մասին, որ Իրաքում ցույցերն ինքնաբուխ չեն եղել և օտարները դերակատար են եղել դրանց ձևավորման գործում:
