Ամերիկյան զորուժը դուրս է գալիս Իրաքից
Իրաքի խորհրդարանի անվտանգության և պաշտպանության հանձնաժողովի անդամը հայտարարել է այդ երկրի մի շարք ռազմաբազաներից ամերիկյան զորուժի դուրսբերման մեկնարկի մասին:
Երկուշաբթի օրն այս մասն հայտարարել է Իրաքի խորհրդարանի անվտանգության և պաշտպանության հանձնաժողովի անդամ Ալի ալ-Ղանամին: Նա նշել է, որ ամերիկյան զորուժը սկսել է դուրս գալ Իրաքի մի շարք ռազմակայաններից: Ալ Ղանամին հավելել է, որ ամերիկացիները նպատակ ունեն շարունակել իրենց ներկայությունն Էրբիլում և Այն ալ Ասադում, սակայն Իրաքի ժողովուրդը և խորհրդարանը պնդում են, որ ամերիկյան ամբողջ զորուժը դուրս բերվի այդ երկրից:
Հունվարի 3-ին Բաղդադի օդանայակայանի մերձակայքում ԱՄՆ-ի իրականացրած ահաբեկչական հարձակումից հետո, որի հետևանքով զոհվեցին ԻՀՊԿ Ղոդս ստորաբաժանման հրամանատար գեներալ Սուլեյմանին և նրա զինակիցները, Իրաքի խորհրդարանը որոշում ընդունեց այդ երկրից արտասահմանյան զորուժի դուրսբերման մասին:
Խորհրդարանը նաև պահանջել է արգելել ամերիկյան զորուժի կողմից Իրաքի օդային տարածքից որևէ նպատակով օգտվելը:
