Իրաքում կրկին հարձակման է ենթարկվել ամերիկյան ռազմաբազան

Լրատվական աղբյուրների տեղեկացրել են Իրաքի մայրաքաղաք Բաղդադի հյուսիսային հատվածում գտնվող Ալ-Թաջի ռազմակայանի ուղղությամբ մի քանի հրթիռ արձակվելու մասին։

Ալ-Ալամ հեռուստաընկերության հաղորդման համաձայն՝ վերջին քանի օրերի ընթացքում Իրաքում  տեղակայված ամերկյան ռազմաբազան երկու անգամ հարձակման է ենթարկվել։ 

Որոշ լրատվական աղբյուրներ հաղորդել են, որ մինչ այժմ ավելի քան 20 «Կատյուշա» տիպի հրթիռ հարվածել է Բաղդադի հյուսիսային հատվածում գտնվող Ալ-Թաջի ռազմակայանի ամերիկյան հատվածին։

Հավանական կորուստների մասին տեղեկություն  չի հրապարակվել։

Անցած չորեքշաբթի օրը ևս Ալ Թաջի ռազմաբազան հարձակման էր ենթարկվել։

ԱՄՆ իշխանությունները հաստատել են այդ հարձակման հետևանքով երկու ամերիկացի և մեկ բրիտանացի զինծառայողի սպանվելու, ևս 12-ի վիրավորվելու մասին տեղեկությունը։