Սիրիայում ԻԼԻՊ-ի տեղադրած ականի պայթյունի հետևանքով զոհվել է երկու երեխա

Սիրիայի կենտրոնական հատվածում գտնվող Հոմս նահանգի Թադմոր քաղաքում ԻԼԻՊ ահաբեկչական խմբավորման տեղադրած ականի պայթյունի հետևանքով, զոհվել է երկու և վիրավորվել մեկ երեխա։

Ինչպես հաղորդում է ՍԱՆԱ լրատվական գործակալությունը, երեկ Սիրիայի արևմտյան Համա նահանգում ահաբեկիչների ականների պայթյունի հետևանքով վեց հոգի զոհվել կամ վիրավորվել է։

Այն ժամանակ, երբ Սիրիայի տարածքի մի մասը գտնվում էր ԻԼԻՊ-ի վերահսկողության տակ, ահաբեկիչներն ականներ էին տեղադրել քաղաքաների ու գյուղերի տարբեր շրջաններում  և ցանքատարածքներում։ Իսկ հիմա ժամանակ առ ժամանակ այդ ականները պայթում ու մարդկային կյանքեր են խլում։