Լիբանանի վարչապետը հրաժարական է տվել

Լիբանանի վարչապետ Հասան Դիաբը հրաժարական է տվել՝ Բեյրութի նավահանգստի պայթյունցի հետո կառավարության վրա գործադրված ճնշումների արդյունքում:

Դիաբը իր հրաժարականի մասին հայտարարել է՝ ժողովրդին ուղղված հեռուստաուղերձում, և  ասել է, որ ինքը եկել է եզրակացության, որ կոռուպցիան Լիբանանում «ավելի շատ է, քան պետությունը»:

Նա ասել է. «Ոմանք պարզապես փնտրում են քաղաքական հաղթանակներ և դիմում են ժողովրդին տարբեր կոչերով: Նրանք ամեն ինչ  անում են՝ Լիբանանի կառավարությանը քննադատելու համար, սակայն այն, ինչ մեզ համար կարևոր է, երկիրը փրկելն է»:

Լիբանանի վարչապետը հավելել է, որ երկրում մեծ աղետ է տեղի ունեցել, և որ բոլոր խմբերը և հոսանքները պետք է միավորվեն՝ Լիբանանն այս ողբերգությունից փրկելու ուղղությամբ: