Հեզբոլլահը դատապարտել է Իրաքի Սադր քաղաքում տեղի ունեցած ահաբեկչությունը
Լիբանանի Հեզբոլլահ շարժումը դատապարտել է Ղուբանի տոնի և Արաֆայի օրվա նախօրեին Իրաքի Սադր քաղաքում տեղի ունեցած ահաբեկչությունը, որի թիրախում էին Իրաքի անմեղ քաղաքացիները:
Ֆարս լրատվական գործակալության հաղորդման համաձայն, Հեզբոլլահ շարժման հաղորդագրության մեջ ասված է.«Իրաքի ժողովրդի միասնությունը վճռական պատասխանն է այդ հանցագործություններին»:
«Այս վախկոտ գործողությունը վերադարձ է դեպի թաքֆիրական ու ահաբեկչական կազմակերպությունների և միջազգային ու տարածաշրջանային աջակիցների կողմից իրականացվող սպանության և հանցագործության քաղաքականության, ինչը Իրաքի ժողովրդի վնասին է»,-ասված է Հեզբոլլահի հաղորդագրության մեջ:
Լիբանանի Հեզբոլլահ շարժումը կարևորեց Իրաքի ժողովրդի հետ համերաշխությունը և նահատակների հոգիներին խաղաղություն, վիրավորներին շուտափույթ ապաքինում մաղթեց, իսկ Իրաքի թշնամիներին խայտառակություն ցանկացավ:
