Թուրքիան անհնարին է համարում թուրք-ադրբեջանական միասնական բանակի ստեղծումը

Թուրքիան ստ իպված է մեկ անգամ ևս հերքել երկրի խորհրդարանի խոսնակ Մուսթաֆա Շենթոփի Բաքվում արած հայտարարությունը թուրք-ադրբեջանական միասնական բանակի մասին:

Անկարայի Յըլդըրըմ Բեյազիտի անվան համալսարանի դասախոս, Անկարայի ռուսագիտության ինստիտուտի ղեկավար, պրոֆեսոր Սալիհ Յըլմազը Lenta.ru- ին տված հարցազրույցում ասել է, որ ՆԱՏՕ-ի անդամ Թուրքիան չի կարող միասնական բանակ ստեղծել Ադրբեջանի հետ, քանի որ վերջինը դաշինքի անդամ չէ:

Յըլմազը նշել է, որ Ռուսաստանին չպետք է անհան գստացնի Անկարայի և Բաքվի սերտ համագործակցությունը պաշտապնության ոլորտում, քանի որ նման համագործակցություն Մոսկվան ունի Երևանի և Կենտրոնական Ասիայի հանրապետությունների հետ ու հիշեցրել է Գյումրիում հայ-թուրքական սահմանին գործող ռուսական ռազմաբազայի մասին:

Քաղաքագետի կարծիքով՝ Կովկասում խաղաղությունը կպահպանվի այնքան ժամանակ, քանի դեռ ռուս-հայկական ռազմական համագործակցությունը չի սպա ռնում Թուրքիային, թուրք-ադրբեջանականն էլ Ռուսաստանի դեմ չէ:

Յըլմազը ան հիմն է համարել նաև խոսակցությունները «թյուրքական ՆԱՏՕ»-ի ստեղծման մասին: Նրա համոզմամբ նման կազմակերպություն ստեղծելու անհրա ժեշտություն չկա: «Թուրքիան բոլոր թյուրքական երկրներին մեկ բանակում հավաքելու ձգտում չունի», նշել է Յըլմազը:

yerevan-times.com