Թուրքիայի բանակը շարունակում է Իրաքի հյուսիսում կորուստներ ունենալ
Իրաքի հյուսիսում եւս մեկ թուրք զինվոր է սպանվել։
«Անատոլու» լրատվական գործակալության փոխանցմամբ, Թուրքիայի պաշտպանության նախարարության հաղորդագրության մեջ ասվում է, որ Իրաքի հյուսիսում, «Ճանկերի կողպեք» գործողության ընթացքում, թուրք զինվոր է սպանվել։
Թուրքիայի պաշտպանության նախարարությունը շաբաթ երեկոյան ևս հայտնել էր, որ Իրաքի հյուսիսում տեղի ունեցած պայթյունի հետևանքով առնվազն երեք թուրք զինվորական է սպանվել, ևս մեկը վիրավորվել է:
Վերջին երեք տարում Թուրքիան Իրաքի հյուսիսում իրականացրել է «Վագրի ճանկեր» և «Արծվի ճանկեր» ցամաքային և օդային հարձակումները, իսկ Իրաքը վերջին երեք տարիներին մի քանի անգամ արտաքին գործերի նախարարություն է կանչել Թուրքիայի դեսպանին և բողոքել այդ երկրի ռազմական գործողությունների և Իրաքի ինքնիշխանության խախտման դեմ:
