Հզոր երկրաշարժ է տեղի ունեցել Ադրբեջանում

Ադրբեջանում 5,7 մագնիտուդ ուժգնությամբ երկրաշարժ է գրանցվել։

Երկրաշարժը տեղի է ունեցել երկուշաբթի երեկոյան ժամը 23:31-ին Ադրբեջանի Խաչմազի շրջանում 10 կմ խորության վրա: Զոհերի և հնարավոր ավերածությունների մասին տեղեկություններ դեռ չկան:

Խաչմազի երկրաշարժի հետցնցումները զգացվել են Իրանի Իսլամական Հանրապետության Գիլան նահանգի որոշ շրջաններում։

Իրանից բացի այս երկրաշարժը զգացվել է նաև Թուրքմենստանում, Ղազախստանում, Ռուսաստանում, Վրաստանում և Հայաստանում։

Խաչմազը գտնվում է Ադրբեջանի հյուսիս-արևելքում՝ Կասպից ծովի արևմտյան ափին և սահմանակից է Ռուսաստանի Դաղստանին։