Գազայում ժամանակավոր հրադադար է հաստատվել

Գազայի պատերազմի 49-րդ օրը՝ այսօր առավոտյան, հաստատվել է քառօրյա հրադադար: Հրադադարը պետք է հաստատվեր հինգշաբթի օրը, սակայն տեխնիկական խնդիրների պատճառով, այն հետաձգվել էր:

Հրադադարի ռեժիմի ընթացքում կողմերը պետ է դադարեցնեն բոլոր տեսակի ռազմական գործողությունները: Բացի այդ, յուրաքանչյուր իսրայելցի բանտարկյալի դիմաց պետք է ազատ արձակվի 3 պաղեստինցի կին և երեխա։ Քառօրյա հրադադարի ընթացքում ազատ կարձակվի նաև 50 իսրայելցի գերի:

Համաձայնություն է ձեռք բերվել՝ օրական 200 բեռնատար սննդամթերք և բժշկական պարագաներ ուղարկել Գազայի բոլոր շրջաններ։ Բացի այդ, Գազայի հատված այս ընթացքում ամեն օր մուտք կգործի հեղուկ վառելիք տեղափոխող 4 բեռնատար: