Իսրայելը շարունակում է ավիահարձակումներ իրականացնել Գազայում
ԻՌՆԱ-ն վկայակոչելով «Շահաբ» լրատվական գործակալությունը, հայտնում է, որ Սիոնիստական ռեժիմն այսօր շարունակել է հարձակումները Գազայի տարբեր շրջանների վրա։
Պաղեստինյան աղբյուրները հայտնել են, որ Սիոնիստական ռեժիմը հարձակվել է Գազայի կենտրոնում գտնվող Դեյր ալ-Բալահ քաղաքի Ալ-Բարաքայի փախստականների ճամբարի վրա, ինչի արդյունքում ճամբարի մի խումբ բնակիչներ վիրավորվել են։
Միաժամանակ իսրայելական հրետանին թիրախավորել է Դեյր ալ-Բալահի հարավ-արևելքում գտնվող դիրքերը, ինչպես նաև Գազայի հարավում գտնվող Խան Յունես քաղաքի Ալ Քարարա շրջանը։
Սիոնիստական ռեժիմի ռազմանավերը կրակ են բացել նաև Ռաֆահի արևմտյան շրջանների ուղղությամբ։ Հարձակման հետևանքով 5 երեխա է նահատակվել, ևս 7-ը վիրավորվել են։ Միաժամանակ, լրատվական աղբյուրները հայտարարել են Գազա քաղաքի արևմուտքում գտնվող Շաֆա հիվանդանոցի մատույցների հերտակոծման մասին։
Գազայի կենտրոնում գտնվող Ալ Վահդա փողոցում բախում է գրանցվել Դիմադրության մարտիկների և Սիոնիստական ռեժիմի զինվորների միջև։ Պաղեստինյան աղբյուրները հայտարարել են, որ ծանր մարտեր են ընթանում նաև Գազա քաղաքի Շաֆա հիվանդանոցի ծայրամասերում։
Հաղորդվում է նաև, որ Խան Յունեսի և Ռաֆահի միջև գտնվող Միրաժ շրջանի ռմբակոծության հետևանքով մի շարք մարդիկ վիրավորվել են։
«Ալ-Աքսայի փոթորիկ» գործողությանը հակահարված տալու, իր պարտությունը փոխհատուցելու և Դիմադրության գործողությունները դադարեցնելու նպատակով, Իսրայելի ռեժիմը փակել է Գազայի հատվածի բոլոր անցումները և ռմբակոծում է այս տարածքը։
