Գազայի հատվածում UNRWA-ին կից դպրոցների 70%-ը ոչնչացվել է
Պաղեստինյան փախստականների օգնության և զբաղվածության գործակալությունը (UNRWA) հայտարարել է, որ Գազայի հատվածում գործակալության դպրոցների մոտ 70%-ը, որոնք օգտագործվում էին որպես ապաստարաններ, ոչնչացվել են։
UNRWA-ն Գազայի հատվածում հումանիտար օգնության ամենամեծ կազմակերպություններից մեկն է։ Գազայի պատերազմի ժամանակ գործակալության աշխատանքներին ներգրավված է 13 հազար աշախատակից։
Բացի սննդի բաշխումից, UNRWA-ն Գազայի հատվածում ապահովում է կրթություն և բժշկական ծառայություններ։ Այս ոլորտնեում ներգրավված է գործակալության երեք հազար աշխատակից։
ԻՌՆԱ-ի հաղորդմամբ՝ UNRWA-ն հայտարարել է, որ գործակալությանը պատկանող դպրոցների ավելի քան 95%-ն օգտագործվել է որպես ապաստարան՝ պաղեստինցի փախստականների համար։
UNRWA-ի տվյալներով՝ 2023թ հոկտեմբերի 7-ին Գազայում բռնկված պատերազմի սկզբից ի վեր դպրոցների և հարակից կենտրոնների ռմբակոծությունների հետևանքով նահատակվել է 539 պաղեստինցի փախստական։
Գազայի հատվածում UNRWA-ի տեղեկատվական գրասենյակի տնօրեն Ինաս Համդանը հայտարարել է, որ պատերազմի սկզբից ի վեր այս գոտում ոչնչացվել է գործակալության 190 օբյեկտ։
ՄԱԿ-ի խոսնակ Ստեֆան Դյուժարիկը հայտարարել է, որ Գազայի հատվածում անվտանգ վայր չկա, և պետք է ավելի շատ ջանքեր գործադրել խաղաղ բնակչությանը պաշտպանելու համար։
2023 թվականի հոկտեմբերի 7-ից, արևմտյան կառավարությունների լիակատար աջակցությամբ, Իսրայելի ռեժիմը Գազայի հատվածում և Հորդանան գետի արևմտյան ափին ցեղասպանության է ենթարկում Պաղեստինի անպաշտպան և ճնշված ժողովրդին: Իսկ միջազգային հանրության և իրավապաշտպան կառույցների լռության հետևանքով, ռեժիմի ռազմական մեքենան շարունակում է սպանել պաղեստինցի կանանց և երեխաներին։
Պաղեստինի առողջապահության նախարարության վերջին տվյալներով հոկտեմբերի 7-ից սիոնիստների հարձակումների հետևանքով նահատակվել է 38 հազար 713 պաղեստինցի, վիրավորվել՝ 89 հազար 166-ը։
