Իրաքի զինված ուժերը ազատագրել են Ֆալուջայի կենտրոնական շրջանները

Իրաքի անվտանգության ուժերը վերահսկողություն են հաստատել Ֆալուջա քաղաքի կենտրոնական շրջանների նկատմամբ, «Իսալամական պետությունից» ազատագրել կառավարական համալիրը և բարձրացրել Իրաքի դրոշը: Հայտնում է arabic.rt.com-ը:

Իրաքի զինված ուժերը մտել են Ֆալուջայի հարավարևելյան Ալ-Արսան տարածաշրջան և ոչնչացրել «Իսլամական պետության» հենակետերը: Միջազգային կոալիցիայի հարվածների հետևանքով զոհվել են 30 զինյալներ, ոչնչացվել է ԻՊ 4 շտաբ, ինչպես նաև Մոսուլի հարավային ալ-Հաջ գյուղում գտնվող զինապահեստը: Հիշեցնենք, որ մայիսի 23-ին Իրաքի կառավարական ուժերը դաշնակիցների աջակցությամբ լայնածավալ գործողություններ են սկսել` ազատագրելու Ֆալուջան, որը ԻՊ-ի վերահսկողության տակ է եղել 2014թ.-ից: Թեև բնակչության մեծ մասը լքել է քաղաքը, այնտեղ դեռևս շարունակում է մնալ շուրջ 50,000 բնակիչ: «Իսլամական պետություն» ահաբեկչական խմբավորման հենակետերից մեկը համարվող Ֆալուջան ռմբակոծվում է երեք տարբեր ուղղություններով, ինչը գրեթե անհնար է դարձնում քաղաքից դուրս գալը:

http://ankakh.com/

18/6/2016