Արդյո՞ք Հեզբոլլահի ցավալի հարվածներն Իսրայելին ստիպել են մտածել նահանջելու մասին

Parstoday- Սիոնիստները, ովքեր շաբաթներ շարունակ ցամաքային ճանապարհով Լիբանան ներթափանցելու փորձերից հետո չկարողացան հասնել իրենց նպատակներից որևէ մեկին, այժմ խոսում են մոտալուտ նահանջի մասին՝ պնդելով, որ ավարտել են իրենց գործողությունները հարավային Լիբանանում:

Սիոնիստական ​​ռեժիմի 13-րդ ալիքը շաբաթ օրը հայտարարեց. -Բանակը Լիբանանի հարավում ցամաքային գործողություններն ավարտելու շեմին է, և գնահատականները ցույց են տալիս, որ Լիբանանում բանակի գործողությունների 90%-ն ավարտվել է:

Ըստ Parstoday-ի, «Ալ-Ջազիրա» հեռուստաալիքին տված հարցազրույցում Արևմտյան Ասիայի ռազմական հարցերով փորձագետ Ֆաիզ Ալ-Դավեյրին հայտարարել է, որ իսրայելցիների հայտարարությունները Լիբանանի սահմաններից մոտալուտ դուրս գալու մասին հակասում են օկուպացիոն ռեժիմի շտաբի պետ Հերզի Հալեւիի հայտարարություններին, ով երկու օր առաջ ասել է, որ Լիբանանում գործողությունների ընդլայնումն անհրաժեշտություն է, և նշանակում է, որ Իսրայելը չի ​​կարողացել հասնել իր պատերազմական նպատակներին Լիբանանում։

Ալ-Դավեյրին հավելել է. -Սիոնիստական ​​ռեժիմի ագրեսիայի հետևանքով ավերվել են Լիբանանի սահմանամերձ բոլոր քաղաքները, սակայն լիբանանյան դիմադրության ուժերը դեռ ներկա են այդ քաղաքներում և շարունակում են իրենց գործողությունները սիոնիստական ​​թշնամու դեմ։ Ինչպես Գազայի հատվածը, որն ամբողջությամբ ավերվել է, բայց դիմադրությունը ներկա է բոլոր տարածքներում ու կռվում է սիոնիստների դեմ։

Անդրադառնալով վերջին օրերին և շաբաթներին սիոնիստների դեմ «Հեզբոլլահի» իրականացրած մահաբեր գործողություններին՝ հորդանանցի այս փորձագետն ընդգծեց. «Հեզբոլլահը» Թել Ավիվում ցավալի հարվածներ է հասցրել սիոնիստներին և հաճախ թիրախավորել է սիոնիստական ​​ավիաբազաները։

Ալ-Դավեյրին հայտարարել է. -Նաև Հայֆայում և Ալ-Ջալիլում հրթիռակոծումը դարձել է սովորական ամենօրյա երևույթ, և այդ տարածքները միշտ գտնվում են Հեզբոլլահի հրթիռային հարվածների տակ:

Միևնույն ժամանակ, վերապատմելով հարավային Լիբանանում տեղի ունեցող զարգացումները, Արևմտյան Ասիայի տարածաշրջանի մեկ այլ ռազմական և ռազմավարական փորձագետ, բրիգադային Էլիաս Հանան ասաց. -Սիոնիստական ​​բանակը փորձում է սահմաններից հեռացնել «Հեզբոլլահի»,  հատկապես «Ռեզվան» հատուկ ստորաբաժանման մարտիկներին, սակայն այս նպատակին հասնելու համար բախվում է բազմաթիվ խնդիրների։

Հանան հավելել է. «Ներկայումս սիոնիստական ​​բանակի զինվորների մեծ մասը գտնվում է Լիբանանի սահմաններում, և նրանք մեծ ջանքեր են գործադրել դեպի լիբանանյան շրջաններ առաջխաղացման համար, սակայն դա նրանց չի հաջողվել։ Ի պատասխան սիոնիստների այս ջանքերի՝ հարավային Լիբանանում «Հեզբոլլահի» մարտիկները ահռելի կորուստներ են պատճառել իսրայելական ցամաքային զորքերին: