Կենտրոնացում Աքքայի վրա․ Սիոնիստական ռեժիմի դիրքերի դեմ լիբանանյան Հեզբոլլահի նոր գործողությունները
Pars Today - Լիբանանի իսլամական դիմադրությունը հայտարարել է վերջին 24 ժամում Սիոնիստական ռեժիմի դիրքերի դեմ (մինչ կիրակի առավոտ) 34 ռազմական գործողություններ իրականացնելու մասին:
Ըստ Լիբանանի Հեզբոլլահի՝ Սիոնիստական ռեժիմի դիրքերի դեմ Լիբանանի իսլամական դիմադրության գործողությունների մաս են կազմում Սիոնիստական ռեժիմի բանակի առաջխաղացման կանխումը և Լիբանանի սահմանամերձ շրջաններում և գրավյալ տարածքներում Իսրայելի զավթիչ ուժերի դեմ հարձակումը։ Ինչպես տեղեկացնում է Pars Today-ը, Լիբանանի Հեզբոլլահը նույնպես հայտարարություն է տարածել եւ նշել, որ «Աքքա»-ի հյուսիսում գտնվող Սիոնիստական ռեժիմի բանակի «Շրագա» բազան արդեն երկրորդ անգամ է մի շարք մահապարտ անօդաչու սարքերի թիրախում հայտնվել։
Հեզբոլլահի հայտարարության համաձայն՝ դիմադրության ուժերը մի շարք պայթուցիկ անօդաչու սարքերով թիրախ են դարձրել նաև Ալ-Խայամից հարավ գտնվող Ալ-Ամրա անցակետում՝ սիոնիստ զինվորների հավաքը։
Լիբանանի Հեզբոլլահը շաբաթ գիշեր հայտարարեց, որ իսրայելական զինվորների Մերկավա տանկը կառավարվող հրթիռով ոչնչացվել է «Ալ-Ջեբին» քաղաքի շրջակայքում և տանկի բոլոր օկուպանտները զոհվել կամ վիրավորվել են այս հարձակման հետևանքով։
Շաբաթ գիշեր Լիբանանի իսլամական դիմադրությունը հայտարարել է Լիբանանի հարավում Ալ-Բայադա քաղաքի հյուսիսարևելյան շրջաններում այս խմբավորման ուժերի և իսրայելական զինվորականների միջև բախման մասին :
Լիբանանի Հեզբոլլահի հաղորդմամբ՝ սիոնիստական «Իլիթ Հաշահար» բնակավայրը հայտնվել է դիմադրության ուժերի թիրախում։
Սիոնիստական բանակը 2024 թվականի սեպտեմբերի 23-ից լայնածավալ հարձակումներ է սկսել Լիբանանի հարավի տարբեր շրջանների վրա, որոնք դեռ շարունակվում են։
Լիբանանի Հեզբոլլահը լուռ չի մնացել այս երկրում խաղաղ բնակիչների թիրախավորման դեմ եւ հենց սկզբից բազմաթիվ գործողություններ է իրականացրել սիոնիստական դիրքերի դեմ։
Սիոնիստական ռեժիմի դիրքերի դեմ լիբանանյան Հեզբոլլահի գործողությունները շարունակվում են, մինչդեռ այս ռեժիմի ԶԼՄ-ները հայտնում են հարավային Լիբանանում բախումների ժամանակ 2 իսրայելցի զինվորների մահվան և 12 այլ իսրայելցի զինվորների վիրավորվելու մասին։
ՀԱՄԱՍ-ի ռազմական ճյուղի նահատակ Էզեդին Քասամի գումարտակները նույնպես հայտարարեցին Իսրայելի կողմից օկուպացված տարածքների հարավում գտնվող սիոնիստական բազայի վրա հրթիռային հարձակման մասին։
«Ալ-Քասամ» գումարտակները հայտարարությամբ են հանդես եկել և ասել՝ Սիոնիստական ռեժիմի «Ռաիմ» ռազմաբազան խոցվել է «Ռաջում» հրթիռներով։
Սիոնիստական «Ռաիմ» ռազմաբազան հայտնի է որպես Գազայում Իսրայելի հատուկ նշանակության ուժերի շտաբ։