Գազայի հատվածի հիվանդանոցների 94%-ը վնասվել է/ Միջազգային Ներում. ԵՄ-ը պետք է պատժամիջոցներ կիրառի Իսրայելի նկատմամբ։
Pars Today - Առողջապահության համաշխարհային կազմակերպության տվյալներով՝ Իսրայելի հարձակումների հետևանքով վնասվել է Գազայի հատվածի հիվանդանոցների 94 տոկոսը։
Առողջապահության համաշխարհային կազմակերպությունը (ԱՀԿ) հինգշաբթի օրը զգուշացրել է, որ Գազայի հատվածի հիվանդանոցների 94 տոկոսը վնասվել է Իսրայելի հարձակումների հետևանքով՝ նախազգուշացնելով, որ Գազայի հատվածի շարունակական հարձակումները և պաշարումը հանգեցրել են տարածաշրջանի առողջապահական համակարգի լիակատար փլուզմանը, և որ մարդկանց հասանելիությունը հիմնական բժշկական ծառայություններին խիստ սահմանափակվել է։
Առողջապահության համաշխարհային կազմակերպության տվյալներով՝ Գազայի հատվածում գործող ընդհանուր 36 հիվանդանոցներից միայն 19֊ն է շարունակում գործել` մասնակի և սահմանափակ հնարավորություններով։
Միաժամանակ, Միջազգային Ներում կազմակերպությունը հայտարարել է, որ Իսրայելի անպատժելիությունը նրա հանցագործ առաջնորդներին դրդել է անամոթաբար խոսել Գազայի ժողովրդի դեմ ցեղասպանություն իրականացնելու նպատակի մասին։
Սույն կազմակերպությունը ընդգծել է, որ Եվրամիությունը պետք է կասեցնի Իսրայելի հետ առևտրային համաձայնագիրը և սպառազինական պատժամիջոցներ սահմանի այդ ռեժիմի նկատմամբ։
Համաշխարհային հանրային կարծիքի կողմից եվրոպական երկրների վրա ճնշում գործադրվելուց հետո՝ Գազայի ժողովրդի դեմ անմարդկային ամենասարսափելի հանցագործությունները կատարող սիոնիստական ռեժիմի հետ համագործակցելու համար, որոշ արևմտյան կառավարություններ վերջերս ստիպված են եղել քայլեր ձեռնարկել Իսրայելին ճնշելու համար։
Այս առումով, մի քանի օր առաջ Եվրամիությունը կասկածի տակ դրեց Իսրայելի հետ կնքված գործընկերային համաձայնագիրը։ Եվրամիության արտաքին քաղաքականության ղեկավար Կայա Կալասը հայտարարել է, որ ԵՄ-ի և Իսրայելի միջև առևտրային համաձայնագիրը կվերանայվի Գազայում ստեղծված «աղետալի» իրավիճակի ֆոնին։
Միևնույն ժամանակ, աշխարհի տասնյակ խորհրդարանականներ հայտարարություն են տարածել, որում կոչ են արել անհապաղ միջոցներ ձեռնարկել Գազայի հատվածում սովը դադարեցնելու համար և զգուշացրել են մարդասիրական իրավիճակի վատթարացման մասին, որը պայմանավորված է նրանով, որ սիոնիստ օկուպանտները թույլ չեն տալիս միջազգային օգնությունները հասանելի լինեն Գազայի բնակիչներին։
Հայտարարության մեջ ասվում է. «Իսրայելի կողմից 2023 թվականի հոկտեմբերից ի վեր սահմանված խիստ շրջափակումը, որը վերջին շաբաթներին սրվել է և հանգեցրել Գազայի հատվածում սննդի, դեղորայքի և վառելիքի լուրջ պակասի, ավելի քան երկու միլիոն պաղեստինցիների ենթարկել է սովի և սպառնում է նրանց կյանքին»։
Պաղեստինի առողջապահության նախարարությունը հինգշաբթի օրը հայտարարել է, որ 2023 թվականի հոկտեմբերի 7-ից ի վեր Գազայում զոհվածների թիվը հասել է 53,762-ի, իսկ վիրավորներինը՝ 122,197-ի։
