ԼՂ հակամարտությունը կարող է քննարկվել եռակողմ՝ Ադրբեջան-Թուրքիա-ՌԴ ձեւաչափով. Չավուշօղլու
Ղարաբաղյան հակամարտությունը կարող է քննարկվել եռակողմ՝ Ադրբեջան-Թուրքիա-Ռուսաստան ձեւաչափով: Թուրքական TRT հեռուստաալիքի փոխանցմամբ, այսօր նման հայտարարություն է արել Թուրքիայի արտգործնախարար Մովլութ Չավուշօղլուն: Նրա խոսքով, եռակողմ ձեւաչափը շահեկան կլինի կողմերի համար:
«Մենք այդ ձեւաչափը քննարկել ենք Ադրբեջանում կայացած հանդիպումների ժամանակ: Ադրբեջանը դրական է գնահատել Ռուսաստանի հետ եռակողմ ձեւաչափը: Այդ նախաձեռնության մասին արտահայտվել է նաեւ Ռուսաստանի ու Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի հանդիպման ժամանակ: Ռուսաստանը դրական է գնահատել այդ ձեւաչափը: Մենք կարող ենք համագործակցել քաղաքական, տնտեսական, տրանսպորտային եւ էներգետիկ ոլորտներում»,- ասել է Չավուշօղլուն:
Երեկ, Սանկտ Պետերբուրգում Վլադիմիր Պուտինի հետ հանդիպմանը Էրդողանը հայտարարել էր, թե Թուրքիան, Ադրբեջանը ու Ռուսաստանը կարող են եռակողմ համագործակցության մեխանիզմ ստեղծել: Նրա խոսքով, Վլադիմիր Պուտինը դրական է գնահատում նման մեխանիզմի ստեղծումը:
armtimes.com
10/8/2016
