Չավուշօղլուն և Քերին հեռախոսազրույց են ունեցել

Թուրքիայի արտաքին գործերի նախարար Մևլութ Չավուշօղլուն հեռախոսազրույց է ունեցել ԱՄՆ պետքարտուղար Ջոն Քերիի հետ:

Թուրքական «Հուրիեթ» պարբերականի փոխանցմամբ՝այն կայացել է ամերիկյան կողմի նախաձեռնությամբ:

Հեռախոսազրույցի ընթացքում կողմերը քննարկել են Սիրիայում տիրող իրավիճակի հարցը: Քերին շնորհակալություն է հայտնել Թուրքիային՝ աջակցության համար:

Վերջում Չավուշօղլուն իր մտահոգությունն է հայտնել Թուրքիայում ԱՄՆ դեսպանի վերջին գործողությունների ու հայտարարությունների առնչությամբ:

ԱՄՆ դեսպանը դժգոհություն էր հայտնել քաղաքապետարաններում վերահսկիչ հանձնաժողովներ ստեղծելու՝ կառավարության որոշման կապակցությամբ: Այս փաստի առնչությամբ Թուրքիայի արտգործնախարարն արդեն հայտարարություն է արել` հորդորելով դիվանագետին իրեն դրսևորել դեսպանին հարիր ձևով և զբաղվել իր գործերով:

1in.am