Դամասկոսը պատրաստ է վերահսկողություն սահմանել թուրք-սիրիական սահմանին
Դամասկոսը մտադիր է վերահսկողություն սահմանել թուրք-սիրիական սահմանի և Հալեպ քաղաքի վրա:Այս մասին հայտնում է նախագահ Բաշար Ասադի ավագ խորհրդականը:
Բրիտանական լրատվամիջոցի հետ զրույցում Բութայնա Շաաբանը հայտարարել է, որ կասկածում է, թե դիվանագիտությունը կարող է վերջ դնել արդեն 5 տարի շարունակվող պատերազմին: Նա պարզաբանում է, որ կրակի դադարեցման առաջարկներով առավելապես հանդես են գալիս այն երկրները, որոնք իրականում չեն ցանկանում վերջ տալ ահաբեկչությանը: Սիրիական բանակը ռուսական ռազմաօդային ուժերի, Իրանի և լիբանանյան Հիզբալլահի աջակցությամբ մեծ հաջողություններ է գրանցել Հալեպում: Ռազմական գործողությունների արդյունքում կառավարական ուժերը ավելին, քան երբևէ մոտեցել են թուրքական սահմանին: Հիշեցնենք, որ թուրք-սիրիական սահմանի Ջերաբլուսի միջանցքը ահաբեկչական խպմբավորումների ֆինանսական և նյութական աջակցություն ստանալու հիմնական օղակն է:
Ankakh.com
10/202016
