Անկարայում կրակոցներ են հնչել Իսրայելի դեսպանատան մոտ

Անկարայում կրակոցներ են հնչել Իսրայելի դեսպանատան մոտ, գրում է թուրքական «Միլլիյեթ» թերթը:

Նշվում է, որ անհայտ անձանց խումբը կրակ է բացել դեսպանատան շենքի ուղղությամբ, տեղում աշխատող ոստիկանների պատասխան կրակի հետևանքով հարձակվողներից մեկը մահացել է, ևս մեկը վիրավոր է:

Դեռևս հայտնի չէ, թե ինչ խմբավորման անդամներ են հարձակումը կազմակերպողները:

Դեպքի վայր են ժամանել մեծ թվով ոստիկանական ուժեր, կատարվում են խուզարկություններ, դեսպանատան անձնակազմը տարհանվել է շենքից:

Tert.am