Մոսուլում սպանվել են ԻԼԻՊ-ի ավելի քան 1000 զինյալներ
Իրաքի բանակի հրամանատար՝ Աբդոլղանի Ալ-Ասադին տեղեկացրել է, որ հոկտեմբերի 17-ից Մոսուլի ազատագրման համար մեկնարկած գործողություններից ի վեր Մոսուլում սպանվել են ԻԼԻՊ-ի շուրջ 1000 զինյալներ:
Իրանի ռադիոհեռուստատեսության լրատվական ծառայության հաղորդման համաձայն՝ Աբդոլղանի Ալ-Ասադին անդրադառնալով Մոսուլի չբնակեցված տարածքներում Իրաքի բանակի առաջխաղացմանը, հավելել է.-«Իրաքի բանակը ազատագրել է Մոսուլի արևելյան տարածքները»:
Իրաքի բանակի գլխավոր շտաբի մամուլի բաժինը հայտարարել է, որ այդ երկրի օդուժի F-16 կործանիչները Մոսուլի արևելյան Ալ-Ֆեյսալիա տարածքում ռմբակոծել են ԻԼԻՊ-ի դիրքերը և մեծ վնասներ են հասցրել ահաբեկիչներին:
Իրաքի բանակի հակահաբեկչական գործողությունների ուժերի հրամանատար Աբդոլվահաբ Ալ-Սաաեդին ասել է.-«Մոսուլի ազատագրման համար սկսած գործոողություններից մինչ այժմ, Իրաքի բանակը կարողացել է ազատագրել քաղաքի 40 տոկոսը»:
