Ռուսաստանը վետո կդնի Հալեպ միջազգային դիտորդներ գործուղելու նախագծի վրա
ՄԱԿ-ում Ռուսաստանի ներկայացուցիչը հայտարարել է, որ իր երկիրը ՄԱԿ-ի Անվտանգության խորհրդի նիստում վետո կդնի Հալեպում միջազգային դիտորդներ տեղակայելու մասին Ֆրանսիայի առաջարկած նախագծի վրա:
Համաձայն «Ալ-Ալամ»-ի հաղորդման, ՄԱԿ-ում Ռուսաստանի ներկայացուցիչ Վիտալի Չուրկինը կիրակի օրն ասել է. «Հալեպում միջազգային դիտորդներ տեղակայելու մասին Ֆրանսիայի բանաձևը վտանգավոր ու միևնույն ժամանակ անընդունելի է և այդ պատճառով էլ Մոսկվան այն չի պաշտպանելու»:
«Նման նախագիծը գործադրման հնարավորություն չունի»,-ընդգծել է Չուրկինը:
Միևնույն ժամանակ Ռուսաստանի նախագահը Սիրիայի հարցով նոր բանաձևի նախագիծ է ներկայացրել Անվտանգության խորհրդին:
ՄԱԿ-ի Անվտանգության խորհուրդը կիրակի օրը քվեարկության է դրել Հալեպի արևլյան տարածքներից խաղաղ քաղաքացիների տարհանումը վերահսկող միջազգային դիտորդներ տեղակայելու մասին Ֆրանսիայի առաջարկած նախագիծը:
