Ամիր Աբդոլլահյան. Ռիադի սխալ ընթացքը սրել է Եմենի Ճգնաժամը
Միջազգային հարցերով Իրանի իսլամական խորհրդարանի նախագահի խորհրդականը հայտարարել է, որ Եմենի դեմ Սաուդյան Արաբիայի ոտնձգության շարունակվելը սաուդացիների սխալ քաղաքականությունն է:
ԻՍՆԱ լրատվական գործակալության հաղորդման համաձայն, երեքշաբթի օրը, Եմենի հեղափոխության գերագույն խորհրդի անդամ Ռեզբան Ալ-Հայեմիի հետ Թեհրանում կայացած հանդիպման ժամանակ Հոսեյն Ամիր Աբդոլլահյանը նշել է. «Ռիադն իր որդեգրած սխալ ընթացքով սրում է Եմենի ճգնաժամը»:
«Եմենի դեմ սաուդական կոալիցիայի հարձակումը սատարեց թաքֆիրական ահաբեկչության տարածմանը և բացի իսլամական մի երկրի ենթակառույցները ոչնչացնելուց, տասնյակ հազարավոր մուսուլման եմենցիների կոտորածի ու տարհանման պատճառ դարձավ»,-հայտարարել է Ամիր Աբդոլլահյանը:
Նա ընդգծել է. «Իրանը որպես Եմենի ճգնաժամի կարգավորման ուղի պաշտպանում է քաղաքական լուծումը»:
Ամիր Աբդոլլահյանն ասել է. «Եմենի ազգային խորհրդարանի և ազգային միասնականության կառավարության ձևավորումն այդ երկրում քաղաքական գործընթացի հզորացման ուղղությամբ կարևոր քայլ է համարվում և Թեհրանը հովանավորում է այդ երկրի իշխանությանը եմենական բոլոր խմբերի ու կուսակցությունների մասնակցությունը»:
Եմենի հեղափոխության գերագույն խորհրդի անդամը հանդիպման ժամանակ ասել է. «Եմենի ժողովուրդն իր թշնամիների դեմ արձանագրած հաղթանակների համար պարտական է Իրանի ու տարածաշրջանի որոշ երկրների քաղաքական ու բարոյական հովանավորությանն ու համագործակցությանը»:
