Պուտինը Սոչիում ընդունել է Մահմուդ Աբասին

Ռուսաստանի նախագահ Վլադիմիր Պուտինը Սոչիում ընդունել է Պաղեստինի նախագահ Մահմուդ Աբասին, որն աշխատանքային այցով գտնվում է Ռուսաստանում: Այս մասին հաղորդում է Gazeta.ru-ն` վկայակոչելով Կրեմլի մամլո ծառայությունը:

Պուտինն ընդգծել է, որ Պաղեստինի հետ հարաբերությունները հատուկ նշանակություն ունեն Ռուսաստանի համար: «Ռուսաստանն, այդ թվում և ինչպես «Մերձավորարևելյան քառյակի» անդամ, ՄԱԿ-ի, ԱՄՆ-ի և Եվրամիության հետ միասին շարունակելու է բազմակող աջակցություն ցուցաբերել պաղեստինցիների և իսրայելցիների միջև անմիջական երկխոսության վերականգնմանը», - ասել է ՌԴ ղեկավարը:

Պուտինը հավելել է նաև, որ կարևոր է պահպանել երկկողմ հարաբերություններն ու զերծ մնալ միակողմանի քայլերից, ինչպես նաև համատեղ միջոցներ գտնել ահաբեկչության դեմ պայքարի համար:

Tert.am