Դոհայում մեկնարկել է Կատարի ու Թուրքիայի համատեղ զորավարժությունը
Թուրքիայի զորայինների առաջին խումբը գործուղվել է Կատար և տեղակավել Դոհայի զորանոցներից մեկում: Դրանից հետո Կատարի մայրաքաղաքում անցկացվել է Կատար-Թուրքիա զորավարժությունների առաջին փուլը:
ԻՌՆԱ-ի հաղորդմամբ, Կատարի պաշտպանության նախարարությունը հայտարարել է.«Կտարաի ու Թուրքիայի համատեղ զորավարժության ընթացքում կիրառվել է ծանր զինտեխնկիա, որի նպատակն է՝ բարձրացնել զինված ուժերի պատրաստվածության մակարդակը` համատեղ սպառնալիքներին դիմակայելու համար»:
Կատարի պաշտպանության նախարարությունը հայտարարել է, որ Անկարան և Դոհան հակաահաբեկչական պայքարում շարունակելու են երկկողմ համագործակցությունները:
Կատարի ու Թուրքիայի միջև ռազմական վերապատրաստման ոլորտում համատեղ համագործակցությունների մասին արձանագրությունը ստորագրվել է 2015թ.: Իսկ 2016թ. ստորագրվել է թուրք զորայինների բազան Կատարում տեղակայելու մասին համաձայնությունը:
Ավելի վաղ, Կատարի ԶՈւ-ն Պարսից Ծոցի ջրերում համատեղ զորավարժություններ էր անցկացրել ԱՄՆ-ի բանակի հետ:
