Սաուդցիները պարտվելու են իրենց սկսած վտանգավոր խաղում
Արաբա-աֆրիկյան երկրների գծով Իրանի ԱԳ նախարարի տեղակալն Արաբիային մեղադրելով ահաբեկչական խմբերին աջակցելու մեջ, ասել է.«Սաուդցիները վտանգավոր խաղ են սկսել, որի պարտվողը հենց իրենք են լինելու»:
Լիբանանի «Ալ-Ահդ» գործակալությանը տված հարցազրույցում, որը հինգշաբթի օրը հրապարակվել է գործակալության կայքում, անդրադառնալով Իրանին պատժելու անհրաժեշտության մասին Արաբիայի ԱԳ նախարար Ադել Ալ-Ջոբայրի և պատերազմն Իրան ներքաշելու կապակցությամբ Արաբիայի գահաժառանգ Մոհամմեդ Բին Սալմանի խոսքերին, Ջաբերի Անսարին ավելացրել է.«Իրանն ունի տեղեկություններ՝ երկրի տարբեր շրջաններում հակահեղափոխական ահաբեկչական խմբերի հետ Արաբիայի հաստատած կապերի մասին և դա համարվում է վտանգավոր խաղի սկիզբը»: Այդ մասին հաղորդել է ԻՌՆԱ գործակալությունը:
Ջաբերի Անսարին ցավ է հայտնել այն փաստի վերաբերյալ , որ տարածաշրջանի որոշ ուժեր անցյալից դասեր չեն քաղել, հավաստելով.«Վերջին տասնամյակներին , Իրաքում, Սիրիայում ու Եմենում ահաբեկչության վրա հիմնված քաղաքականության հետևանքով, աշխարհում տարածվեց ծայրահեղականության ալիքը, իսկ այսօր ահաբեկչությունը դարձել է համաշխարհային չարիք»:
