Քուվեյթը հերքեց «Ռոյտերզ»-ի հակաիրանական հայտարարությունը
Քուվեյթի ԱԳ նախարարությունը մի հաղորդագրությամբ հերքեց «Ռոյտերզ» բրիտանական լրատվական գործակալության հայտարարությունը, ըստ որի Իրանը Եմենի Անսարալլահ շարժման համար զենք է առաքում` օգտվելով Քուվեյթի ջրերից:
Քուվեյթի լրատվական գործակալության չորեքշաբթի օրը կատարած հաղորդման համաձայն, ԱԳ նախարարության հաղորդագրության մեջ ասված է. «Քուվեյթի տարածքային ջրերը տարբեր սարքավորումների օգնությամբ լիարժեք և շուրջօրյա կերպով վերահսկվում են ծովուժի և ծովային պահակագնդի կողմից»:
Աղբյուրի համաձայն, Քուվեյթն իր ջրային տարածքներում որևէ կասկածելի ակտիվություն չի նկատել: Քուվեյթի ԱԳ նախարարությունը տարածաշրջանի ԶԼՄ-ներին կոչ է արել չհրապարակել անհիմն լուրեր:
Անցած մարտին «Ռոյտերզ» լրատվական գործակալությունը հղում կատարելով արևմտյան աղբյուրների հայտարարել էր, որ ԻԻՀ-ն Քուվեյթի և Իրանի միջև ընկած ազատ ջրերի միջոցով սպառազինություն է առաքում Եմենի Անսարալլահ շարժման համար:
