Վելայաթին կարևորել է Սիրիայի ճգնաժամի կարգավորման հարցում Իրան-Չինաստան համագործակցությունը
Միջազգային հարցերով Իսլամական հեղափոխության մեծարգո առաջնորդի խորհրդական Ալի Աքբար Վելայաթին Իրանում Չինաստանի դեսպան Պանգ Սինի հետ հանդիպման ժամանակ ընդգծել է Սիրիայի ճգնաժամի կարգավորման հարցում երկու երկրի համագործակցության անհրաժեշտությունը :
Հանդիպման ժամանակ Վելայաթին նշել է.«Չինաստանը ևս պետք է իր ազդեցիկ դերակատարությունն ունենա Սիրիայի բռնահարված ժողովրդին պաշտպանելու գործում»:
Անդրադառնալով չինացի պաշտոնատարների հետ իր հանդիպումներին, Վելայաթին ասել է.«Այս հանդիպումներում Չինաստանի պաշտոնյաները վճռակամություն են հայտնել տարածաշրջանում խաղաղության ու կայունության հաստատման և ահաբեկչության դեմ պայքարի կապակցությամբ»:
Իրանում Չինաստանի դեսպան Պանգ Սինը տարածաշրջանային, մասնավորապես` Սիրիայի հետ կապված հարցերում համագործակցությունն ընդլայնելու կապակցությամբ Պեկինի պաշտոնատարների ուղերձն է փոխանցել Ալի Աքբար Վելայաթիին:
