Միջազգային ներում կազմակերպությունն Արաբիայից պահանջեց դադարեցնել 14 ընդդիմադիրների մահապատժի գործադրումը
Միջազգային ներում կազմակերպությունն Արաբիայից պահանջեց առկախել կտտանքների ներքո իրենց մեղքը խոստովանած կառավարության 14 ընդդիմադիրների մահապատժի գործադրումը:
«Ալ-Ջազիրա» հեռուստակայանը շաբաթ օրը հաղորդեց. «Միջազգային ներում կազմակերպությունը հայտարարել է, որ մեղադրյալների կտտանքների արդյունքում տված ցուցմունքները իրավական արժեք չունեն և նկատի առնելով նրանց նախնական դատաքննության անարդար ընթացքը, նրանք պետք է միջազգային օրենքների համաձայն և առանց մահվան դատավճռի կրկին դատվեն»:
Միջազգային ներում կազմակերպությունը նաև պահանջել է Արաբիայում ամբաստանյալներից կտտանքների արդյունքում ցուցմունքներ ստանալու և նրանց հանդեպ անմարդկային վերաբերմունք ցուցաբերվելու կապակցությամբ թափանցիկ ու անկախ հետաքննություն իրականացնել:
Դա ի տես այն բանի, որ սաուդական ռեժիմի արդարադատության նախարարության խոսնակ Մանսուր Ալ-Ղաֆարիի ընդգծմամբ, վերոնշյալ 14 ամբաստանյալների դատաքննությունն օրինական է եղել:
Լոնդոնում հաստատված միջազգային ներում կազմակերպության հայտարարության համաձայն Արաբիայում մահապատիժների թիվն աշխարհում ամենաբարձրներից մեկն է: 2017 թվականի սկզբից այդ երկրում մահապատժի է ենթարկվել 66 մարդ:
