ՄԱԿ-ը պահանջել է վերջ տալ Գազայի շրջափակմանը
ՄԱԿ-ի Մարդու իրավունքների գերագույն կոմիսարիայի խոսնակը պահանջեց վերջ տալ Գազայի հատվածի շրջափակմանը:
Համաձայն «Ալ-Շարղ Ալ-Ավսաթ» լրատվական գործակալության հաղորդման, ՄԱԿ-ի Մարդու իրավունքների գերագույն կոմիսարիայի խոսնակ Ռավինա Շամդասանին մտահոգություն հայտնելով Գազայի հատվածում հումանիտար ծանր կացության մասին, ասել է. «Միջազգային օրենքների համաձայն Իսրայելը, որպես բռնազավթող ուժ, պատասխանատու է Գազայի հատվածի բնակիչների իրավունքները հարգելու հարցում»:
ՄԱԿ-ի Մարդու իրավունքների գերագույն կոմիսարիայի խոսնակն ազդարարելով Գազայի հատվածում էլեկտրականության անջատման, ինչպես նաև առողջապահական ու բժշկական ծառայությունների և խմելու ջրի բացակայության կապակցությամբ, ընդգծել է. «Էլեկտրականության շարունակական անջատումը վտանգել է Գազայի հատվածի բնակիչների կյանքը»:
2006 թվականին Պաղեստինի խորհրդարանական ընտրություններում Պաղեստինի իսլամական դիմադրության շարժում՝ «Համաս»-ի հաղթանակից հետո, Սիոնիստական ռեժիմը շրջափակման է ենթարկել Գազայի հատվածը և արգելում է այդ տարածք վառելիքի, դեղորայքի և շինանյութերի մուտքը:
