Քննադատող արքայազններն ու գահաժառանգները Սաուդյան Արաբիայի գաղտնի կալանավայրում
Հաղորդումները վկայում են այն մասին, որ Սաուդյան Արաբիայի գահաժառանգ՝ Մուհամմեդ Բեն Սալմանը գաղտնի կալանավայրում է պահել այդ երկրի պաշտոնանկ գահաժառանգի կողմնակից սպաներին ու արքայազններին:
Վկայակոչելով Սաուդյան արքունիքին մոտ կանգնած աղբյուրներին, Ալ-Ահդ Ալ-Ջադիդը քողազերծել է այն իրողությունը, որ Մուհամմեդ Բեն Սալմանը Բեն Նաիֆի կողմնակից արքայազններին ու սպաներին կալանավորել է Ռիադի հարավ-արևմուտքում գտնվող Ալ-Ղադիե շրջանում գտնվող գաղտնի մի կալանավայրում:
Դեռևս ոչ մի տեղեկություն չկա պաշտոնից հեռացված գահաժառանգ Բեն Նաիֆի ճակատագրի մասին և վերջին անգամ նա հանրությանը երևացել է նոր գահաժառանգի հետ հավատարմություն հայտնելու միջոցառման ժամանակ:
Ալ-Ահդ Ալ-Ջադիդը նաև հայտարարել է, որ Սաուդյան Արաբիայի ավելի քան 70 ավագ սպաներ ևս մնում են գաղտնի բանտում:
Ավելի վաղ, Ալ-Ջադիդը քողազերծել էր պաշտոնից հեռացված գահաժառանգ՝ Մուհամմեդ Բեն Նաիֆի դեմ թագավորի որդու՝ Մուհամմեդ Բեն Սալմանի կազմակերպած հեղաշրջումը:
