Սիրիայում խաղաղ քաղաքացիների շրջանում զոհերի մասին հաղորդումները հերքվել են
Ռուսաստանի պաշտպանության նախարարությունը հերքել է Սիրիայի Դեյր-Էլ-Զորում այդ երկրի ուժերի ավիահարվածների ընթացքում խաղաղ քաղաքացիների շրջանում զոհերի մասին հաղորդումները:
Համաձայն «Ռաշա Թուդեյ» հեռուստակայանի հաղորդման, Ռուսաստանի պաշտպանության նախարարությունը երկուշաբթի օրը մի հաղորդագրությամբ, հայտարարել է. «Սիրիայի Դեյր-Էլ-Զոր նահանգի Ալ-Շաֆա գյուղի դեմ հարձակման համար այդ երկրի օդուժի ինքնաթիռները չեն օգտագործվել»:
Նախարարությունն ընդգծել է, որ Սիրիայոմ ռմբակոծում է միայն բնակելի տարածքներից դուրս գտնվող միջազգային ահաբեկչական խմբերի դիրքերը:
«Սիրիայում ահաբեկիչների կենտրոնացման վայրերի մասին բոլոր տեղեկությունները քննարկվում ու վերլուծվում են»,-ընդգծված է Ռուսաստանի պաշտպանության նախարարության հաղորդագրության մեջ:
Ռուսաստանի պաշտպանության նախարարությունը նաև հերքել է Մարդու իրավունքների դիտորդ կազմակերպության կողմից ներկայացված մեղադրանքները:
Արևմտյան որոշ ԶԼՄ-ներ կիրակի օրը հղում կատարելով Բրիտանիայում հաստատված Մարդու իրավունքների դիտորդ կազմակերպությանը հայտարարեցին, որ Սիրիայի Դեյր-Էլ-Զորի Ալ-Շաֆա գյուղում Ռուսաստանի օդուժի իրականացրած ավիահարվածի հետևանքով զոհվել են տասնյակ խաղաղ քաղաքացիներ:
