Սաուդացի կալանավորված արքայազները համաձայնել են գումար վճարել իրենց ազատության դիմաց
Սաուդյան Արաբիայում մեկ ամիս առաջ ձերբակալված մեծահարուստները, որոնց թվում են սաուդացի արքայազներն ու մի շարք բարձրաստիճան պաշտոնյաներ, համաձայնել են համապատասխան գումար վճարել իրենց ազատության դիմաց:Ինչպես փոխանցում է Press TV-ն, այս մասին հայտնել է Սաուդյան Արաբիայի գլխավոր դատախազ շեյխ Սաուդ ալ-Մոջեբը:
Նրա խոսքով՝ 159 սաուդացի գործիչներից շատերը, որոնք ներկայում կալանավորված են Էր Ռիադի Ritz-Carlton հինգաստղանի հյուրանոցում, համաձայն են հարցը լուծել թագավորության գանձապետարանին վճարումներ անելով՝ իրենց ենթադրաբար ոչ արդար քրտինքով վաստակած գումարից:Հաղորդվում է, որ գործը գլուխ բերելու համար համապատասխան կարգավորումներ են արվում:Գլխավոր դատախազը հայտնել է նաև, որ 376 կալանավորված անհատի բանկային հաշիվները սառեցվել են կոռուպցիոն գործի հետաքննության շրջանակներում:
tert.am/