Խոշռու .«Սաուդյան Արաբիան պետք է հրաժարվի պատերազմից»
Նյու Յորքում իրանական լրատվամիջոցներին տված հարցազրույցում ՄԱԿ-ում ԻԻՀ ներկայացուցիչը Սաուդական ռեժիմից պահանջել է վերջ դնել պատերազմական քայլերին:
ԻՌՆԱ գործակալության հաղորդման համաձայն, հակադարձելով Արաբիայի անհեթեթ քայլին, Ղոլամալի Խոշռուն հավաստիացրել է.«Սա առաջին անգամը չէ, որ Եմենում իր ձախողումները կոծկելու համար Իրանի դեմ տարբեր քայլերի է դիմում»: Հիշեցնենք, որ երեքշաբթի օրը Արաբիան ՄԱԿ-ին նամակ է հղել , որտեղ նշված է, որ Եմենից Ռիադի կողմն արձակված հրթիռն իրանական է եղել:
ՄԱԿ-ում Իրանի ներկայացուցիչը նշել է, որ պատերազմում Արաբիան Եմենի ժողովրդին պատերազմ, սով ու հումանիտար աղետ է պարտադրել։ Նա հավելել է.«Եմենում իրենց ոճրագործությունները ծածկելու համար, սաուդցիները շարունակաբար Իրանի դեմ անհիմն մեղադրանքներ են ներկայացնում»:
«Իրանը մշտապես հերքել է այդ մեղադրանքը և հայտարարել, որ Եմենի ճգնաժամի համար քաղաքական լուծումից բացի այլ ելք չկա». ասել է ՄԱԿ-ում ԻԻՀ ներկայացուցիչը:
Խոշռուի խոսքով՝ Արաբիան պետք է դադարեցնի պատերազմական քայլերը և քաղաքական երկխոսություն սկսի Եմենի հետ:
