Սաուդյան Արաբիան արգելված ռումբեր է կիրառում Եմենի ժողովրդի դեմ
Շարունակելով իր հանցագործությունները Եմենում, Սաուդյան Արաբիան այդ երկրի հյուսիսային շրջանում միջազգայնորեն արգելված ռումբ է օգտագործել:
Վկայակոչելով Ալ-Մասրե գործակալությունը, Մեհր գործակալությունը հաղորդել է, որ Սաուդյան Արաբիայի կործանիչները կլաստերային ռումբերով ռմբակոծել են Սադեի օդանավակայանը ու նույնպես Եմենի հյուսիսում գտնվող Քեհլան ռազմաբազան:
Հատկանշական է, որ ավելի վաղ Amnesty International կազմակերպությունը մի հաղորդագրությամբ կոչ էր արել վերջ տալ Եմենի ժողովրդի դեմ կլաստերային ռումբերի կիրառմանը:
Որոշ ժամանակ առաջ, Human Rights Watch կազմակերպությունը, դատապարտելով Սաուդյան Արաբիայի արգելված ռումբեր օգտագործելու քայլը, նշել էր. «2008թ. վավերացված Կլաստերային զինամթերքի պայմանագրի համաձայն, այդ կարգի զենքի օգտագործումը արգելվում է և առ այսօր աշխարհի 108 երկրներ այդ թվում նաև Բրիտանիան, ստորագրել են այդ պայմանագիրը»:
