Էրդողանը մերժեց հեռուստաբանավեճի մասնակցելու առաջարկը
Թուրքիայի նախագահը մերժեց հեռուստաբանավեճի մասնակցելու մրցակից թեկնածուի առաջարկը:
Անկարայից «Ֆրանս Պրես»-ի հաղորդման համաձայն, Թուրքիայի նախագահ Ռեջեբ Թայիբ Էրդողանը մերժեց հեռուստաբանավեճի մասնակցելու համար կառավարության գլխավոր ընդդիմադիր կուսակցություն Ժողովրդա-հանրապետական կուսակցության թեկնածու Մուհարամ Ինչեի առաջարկը:
Երկուշաբթի օրը, Սերբիայի նախագահ Ալեքսանդր Վոչիչի հետ համատեղ մամուլի ասուլիսի ժամանակ Էրդողանը հայտարարեց, որ հեռուստաբանավեճի չի մասնակցելու, քանի որ արդյունքում բարձրանալու է մրցակից թեկնածուի հեղինակությունը:
Թուրքիայի Ժողովրդա-հանրապետական կուսակցության թեկնածու Մուհարմ Ինչեն կիրակի օրը քննադատել է ԶԼՄ-ների կողմից իր նախընտրական նիստերի լուսաբանումը: Նա ասել է, որ հեռուստակայաններից որևէ մեկը չի հեռարձակել իր ելույթը, ինչն դա անարդար է ու նպատակ ունի թուլացնել Էրդողանի մրցակիցների դիրքերը:
Կիրակի օրը տնտեսական խոստումներ տալով, Էրդողանը սկսեց իր ոչ-պաշտոնական ընտրարշավը:
