Անսարալլահ.«Եմենցի պայքարողները արևմտյան ափին կտրել են ոտնձգիչներին օգնություն տրամադրելու ճանապարհները»
Եմենի Անսարալլահ շարժման քաղաքական գրասենյակի անդամն ասել է.«Եմենցի պայքարողները արևմտյան ափում կտրել են ոտնձգիչներին օգնություն տրամադրելու ճանապարհները»:
Ալ-Ալամ լրատվական գործակալության հաղորդման համաձայն, անդրադառնալով սաուդյան ոտնձգիչ կոալիցիայի շրջափակմանը, Մոհամմեդ Ալ-Բախիթին ասել է.«Ոտնձգիչների այսօրվա տեղաշարժերը ռազմական կարիքներին հագուրդ տալու համար չեն եղել, այլև լրատվական ձեռքբերում են հետապնդել»:
Ալ-Բախիթին նշել է, որ սաուդյան ոտնձգիչ կոալիցիայի արևմտյան ափերում կենտրոնանալու արդյունքում, Եմենի բանակը և ժողովրդական ուժերը հաջողել են առաջանալ Հարզի, Ալ-Ջոֆի և Նաջրանի ճակատներում:
Անդրադառնալով Ալ-Հոդայդայում Եմենի բանակի և ժողովրդական ուժերի առանց նախապայմանի նահանջի մասին ԱՄԷ-ի արտգործնախարարության խորհրդատու նախարար Էնվեր Ղարղաշի անհիմն հայտարարությանը, եմենցի պաշտոնատարն ասել է.«Ամոթալի այս պահանջը միտված է քողարկել Եմենի թշնամիների ձախողումները»:
Եմենի բանակի խոսնակ Շարաֆ Լողմանը Ալ-Հոդայդայում սաուդյան ոտնձգիչ կոալիցիայի ուժերի առաջխաղացումը պատրանք է համարել, ասելով, որ արևմտյան ափի ճակատը խժռելու է բոլոր ոտնձգիչներին:
