Սաուդյան կործանիչները հարձակվել են եմենցի փախստականներ տեղափոխող ավտոբուսի վրա
Սաուդյան կործանիչները շարունակելով իրենց ոճրագործությունները Եմենի ժողովրդի դեմ, Ալ-Հուդայդա նահանգում սպանել կամ վիրավորել են այդ երկրի առնվազն 20 քաղաքացիների:
«Ալ-Մասիրա» հեռուստաընկերության հաղորդման համաձայն՝ սաուդյան կործանիչների հարձակման հետևանքով ոչնչացվել է եմենցի փախստականներ տեղափոխող ավտոբուսը, զոհվել է 9 և վիրավորվել 11 խաղաղ քաղաքացի:
Ալ-Հուդայդա նահանգի վրա իրականացված հարձակումների հետևանքով մինչ այսօր տեղահան են արվել մոտ հինգ հազար եմենցի ընտանիքներ:
Արաբիայի և Էմիրությունների գլխավորությամբ արաբական երկրների կոալիցիան մոտ 40 օր է, որ չնայած միջազգային նախազգուշացումներին, ուժգին հարձակումներ է սկսել Եմենի արևմուտքում գտնվող Ալ-Հուդայդա նավահանգիստը բռնազավթելու համար: Մինչ այսօր Եմենի բանակը և ժողովրդական ուժերը դիմակայում են այդ հարձակումներին:
Ալ-Հուդայդա նավահանգիստը գտնվում է Եմենի արևմուտքում Կարմիր ծովի ափին և հանդիսանում է միակ անցուղին,որտեղից մարդասիրական օգնություն են տեղափոխում այդ երկիր:
